00:00:00 IGIHE NETWORK KN KINYARWANDA EN ENGLISH FR FRANCAIS

Christopher azahemba abakundana bazaba baberewe kurusha abandi mu gitaramo cye

Yanditswe na

Kalinda Brendah

Kuya 11 February 2015 saa 08:34
Yasuwe :

Umuhanzi Muneza Christophe uzwi nka Christopher yateguye igitaramo kizafasha abakundana kwizihirwa ku munsi w’abakundanye ‘Saint Valentin’ ndetse akaba yanashyizeho ibihembo ku bazaza baberewe kurusha abandi.
Umunsi w’abakundanye wizihizwa tariki ya 14 Gashyantare ari nabwo iki gitaramo cya Christopher kizabera kuri Serena Hotel. Mu kiganiro na IGIHE uyu muhanzi yavuze ko yateguriye abakundana igitaramo cy’indirimbo z’urukundo kizabafasha kwizihirwa no kuryoherwa ku munsi w’abakundanye ndetse (...)

Umuhanzi Muneza Christophe uzwi nka Christopher yateguye igitaramo kizafasha abakundana kwizihirwa ku munsi w’abakundanye ‘Saint Valentin’ ndetse akaba yanashyizeho ibihembo ku bazaza baberewe kurusha abandi.

Umunsi w’abakundanye wizihizwa tariki ya 14 Gashyantare ari nabwo iki gitaramo cya Christopher kizabera kuri Serena Hotel. Mu kiganiro na IGIHE uyu muhanzi yavuze ko yateguriye abakundana igitaramo cy’indirimbo z’urukundo kizabafasha kwizihirwa no kuryoherwa ku munsi w’abakundanye ndetse by’umwihariko akaba yarateguye agaseke kazafungurirwa abazitwara neza.

Christopher yagize ati, “Ndashaka kuzahemba couple izaza bambaye neza kurusha abandi, uretse ibyo hari n’ibindi byinshi mbahishiye. Agapfundikiye gatera amatsiko, bazaze twishimane ako gaseke nzagapfundura kuri uwo munsi,tuzasangira ndetse mbataramire bitinde”.

Imyiteguro ya Christopher, Sentore na Knowless bazafatanya muri iki gitaramo isa nk’iyarangiye bakaba bategereje ko umunsi nyir’izina ugera maze bagafasha abakundanye kwizihirwa dore ko nyinshi mu ndirimbo zabo zubakiye ku rukundo.

Kwinjira mu gitaramo cy’abakundanye Christopher yise ‘Agatima’ bizaba ari amafaranga y’u Rwanda 15,000 ku muntu umwe na 25,000 25 ku bakundana babiri(couple).

Umwihariko w’iki gitaramo ni uko abazacyitabiriye bazagenerwa ifunguro rya ni mugoroba muri Serena Hotel. Kizaba kuri uyu wa Gatandatu tariki ya 14 Gashyantare 2015 guhera saa moya z’ijoro.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .