00:00:00 IGIHE NETWORK KN KINYARWANDA EN ENGLISH FR FRANCAIS

Bahati Alphonse yasabye gushyira mu ntwari abakozi ba Bralirwa bishwe n’abacengezi

Yanditswe na

Jean Paul Ibambe

Kuya 24 February 2014 saa 11:41
Yasuwe :

Ku mugoroba wo kuri uyu wa Kane tariki ya 20 Gashyantare 2013 nibwo abaturage bo mu Karere ka Rubavu bitabiriye ku bwinshi kwakira “Urumuri rutazima rw’icyizere”. Mu batanze ubuhamya harimo umuririmbyi w’indirimbo z’Imana Bahati Alphonse wasabye abashinzwe gushyira mu ntwari gutekereza ku bakozi ba Bralirwa 39 bishwe n’abacengezi mu 1998 ku itariki ya 19 Mutarama.
Kuwa 19 Mutarama 1998 nibwo abari abakozi 39 ba Bralirwa ku Gisenyi bishwe ubwo bangaga kwitandukanya nk’uko babisabwe n’abacengezi (...)

Ku mugoroba wo kuri uyu wa Kane tariki ya 20 Gashyantare 2013 nibwo abaturage bo mu Karere ka Rubavu bitabiriye ku bwinshi kwakira “Urumuri rutazima rw’icyizere”. Mu batanze ubuhamya harimo umuririmbyi w’indirimbo z’Imana Bahati Alphonse wasabye abashinzwe gushyira mu ntwari gutekereza ku bakozi ba Bralirwa 39 bishwe n’abacengezi mu 1998 ku itariki ya 19 Mutarama.

Ubwo Urumuri rutazima rwagera i Rubavu

Kuwa 19 Mutarama 1998 nibwo abari abakozi 39 ba Bralirwa ku Gisenyi bishwe ubwo bangaga kwitandukanya nk’uko babisabwe n’abacengezi ngo Abahutu bave mumodoka hasigaremo Abatutsi.

Abari mu modoka bose basubije abacengezi ko nta muhutu cyangwa umututsi uyirimo, ahubwo ko abarimo bose ari abanyarwanda. Ibi byatumye Bus aba bakozi barimo iraswaho yose iranatwikwa maze abagera kuri 39 barapfa.

Mu buhamya uyu Bahati yatanze ubwo abaturage bo mu Karere ka Rubavu bakiraga “Urumuri rutazima rw’icyizere” yasabye ko hagira igikorwa maze n’izi nzirakarengane zigashyirwa muri kimwe mu byiciro by’intwari.

Yagize ati: “Aba bantu bitabye Imana batanze urugero rwiza cyane rukwiye kwigisha Abanyarwanda njye nasaba ko bashyirwa mu ntwari z’igihugu.”

Bahati Alphonse atanga ubuhamya bw'ibyo bahuye nabyo ubwo baraswaga n'abacengezi

Uyu muhanzi yasobanuriye abari aho ko gahunda ya “Ndi Umunyarwanda” yatangiriye Rubavu mu 1998 ubwo abakozi ba Bralirwa bangaga kwitandukanya bagashimangira ubunyarwanda.

Bahati wavuze ko ubwo Jenoside yakorewe Abatutsi yabaga yari mu cyahoz ari muri Zaire, mu munjyi wa Goma, ngo ku mutima ya kumwe n’inzirakarenga akaba yarababazwaga cyane n’ibirikuba kuri bene wabo kuko ngo yabonaga imirambo y’Abatutsi yomoka kumazi.

Minisitiri w’umuco na siporo wari umushyitsi mukuru muri uyumuhango wo kwakira Urumuri rw’Icyizere yashimye cyane Ubuhamya Bahati, maze anavuga ko ababakozi bapfuye kuri uruya munsi bari bafite ishema ryo kwitwa abanyarwanda ari nayo mpamvu banze kwitandukanya.

Bahati Alphonse, ni umwe mu bari abakozi ba Bralirwa wari mu modoka yarashwe n’abacengezi nyuma yo kwanga kwitandukanya. Ubwo bagenzi be baraswaga bagapfa, nawe yarakomeretse ajyanwa mu bitaro cyakoze Imana ikinga akaboko. Ubu ni umuririmbyi w’indirimbo z’Imana kaba anazwi cyane mu bikorwa byo gufasha abakene.

Iyi modoka niyo abakozi ba Bralirwa barasiwemo. Bahati yari umwe muribo ariko ararokoka.
Bahati mu bitaro mu mwaka w'1998 nyuma yo kuraswa n'abacengezi
Aha yari atangiye koroherwa.

Reba indirimbo ya Bahati Alphonse afatanyije n’abandi bahanzi:

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .