00:00:00 IGIHE NETWORK KN KINYARWANDA EN ENGLISH FR FRANCAIS

Iterambere abona ku bo batangiranye umuziki mu 2009 ryatumye B-Loon awugarukamo

Yanditswe na

Dean Irak

Kuya 8 March 2014 saa 02:05
Yasuwe :

Kugendera mu ma modoka meza ahenze, kwamamara by’ikirenga, gusinya za kontaro z’amafaranga atagira akagero, ubuzima bw’iraha n’ubundi butunzi ntagerurwa by’ahanzi Tom Close, The Ben, Meddy, King James n’abandi nk’abo batangiranye umuziki byatumye uwitwa B-Loon yiyemeza kongera gukora mu muhogo akaririmba, kuko ngo asanga baramuhaye intera kandi bari baratangiranye umuziki. B-Loon yongeye gusubira muri Studio muri uyu mwaka wa 2014, nyuma y’imyaka ine yarabihagaritse. Uyu B-Loon, (…)

Kugendera mu ma modoka meza ahenze, kwamamara by’ikirenga, gusinya za kontaro z’amafaranga atagira akagero, ubuzima bw’iraha n’ubundi butunzi ntagerurwa by’ahanzi Tom Close, The Ben, Meddy, King James n’abandi nk’abo batangiranye umuziki byatumye uwitwa B-Loon yiyemeza kongera gukora mu muhogo akaririmba, kuko ngo asanga baramuhaye intera kandi bari baratangiranye umuziki.

B-Loon yongeye gusubira muri Studio muri uyu mwaka wa 2014, nyuma y’imyaka ine yarabihagaritse.

Uyu B-Loon, ubusanzwe witwa Ngenzi Bon Coeur, yamenyekanye cyane ku bw’indirimbo “Intimba y’Urukundo” iri mu zaharawe cyane mu mwaka wa 2009, ari nabwo yari ku rutonde rw’ibyamamare byabicaga bigacika mu njyana ya RnB mu Rwanda icyo gihe. Gusa mu 2010 yaje kuburirwa irengero ahagarika umuziki kugeza 2013.

Aganira na IGIHE, B-Loon yavuze ko kuva muri Mutarama 2014 yafashe icyemezo cyo kongera gusubira muri Studio gukora izindi ndirimbo nshya, kuri ubu muri Werurwe 2014 akaba yatangiye kongera kuzimenyekanisha. Yemeza kandi ko ubu yahagurukanye imbaraga mu muziki, ndetse ko adateze kongera gucika intege.

B-Loon, wiyemerera ko yari yarahagaritse umuziki mu buryo butunguranye, asobanura ko byatewe n’uko inshuti ze zamufashaga mu kuwukora zamutaye wenyine, agasigara mu cyeragati nyuma akaza gusanga atabasha gukomeza urwo rugendo ari wenyine. Avuga ko yaje guhitamo kuba ahagaritse umuziki akabanza kurangiza amasomo, dore ko yari akiri na mutoya.

Aganira na IGIHE, B-Loon yagize ati: “Abamfashaga mu muziki barantaye bajya mu Bubiligi, nuko ncika intege, mpitamo kuba ndetse umuziki. Nari maze gusohora video imwe yitwa Intimba y’urukundo n’izindi ndirimbo ebyiri z’amajwi.

Akomeza agira ati: “Abari baramenye ubu ndababwira ko nagarutse ngiye kongera gukora ibihangano byiza kandi bibashimisha. Muri Mutarama nakoze indirimbo yitwa ‘Aho Uri’, muri Gashyantare no muri Werurwe nkora iyitwa ‘Gift’, iyo nkaba nteganya no kuyikorera amashusho muri iyi minsi ya vuba; izi zombi zikaba ubu ziri hanze”.

Ku kijyanye n’iyi myaka igera kuri ine yari amaze yaravuye mu muziki, B-Loon atangaza ko asanga hari byinshi byahindutse, aho avuga ko asanga bagenzi be batangiranye mu 2009 ubu abona barageze kure.

Avuga kandi ko iyo arebye urwego abo bahanzi batangiranye bagezeho bimutera icyo yita “ishyari ryiza”.

Ati: “Hari benshi twatangiranye bageze kuri byinshi; ibyo bintera ishyari ryiza kuko nanjye numva mfite icyizere cy’uko nzagera kuri byinshi byiza kuko ndebera urugero kuri bagenzi banjye twatangiranye nkavuga ngo ngomba kugaruka nanjye nkongera ngakora umuziki.”

Yongeraho ati: “Icyo gihe hari hariho ba The Ben na ba Meddy, abahanzi mbese bo muri icyo cyiciro. Bamwe urabona ko n’ubwo bagiye hanze, ariko bari bamaze kugera ku kintu gishimishije, n’abandi nka bano ba Tom, n’ubwo we asa n’uwatangiye mbere ho gato ariko nawe ni nk’aho cyari icyiciro kimwe kubera ko ntabwo yari mbere cyane kuko we natangiye kumwumvaho nko mu myaka ibiri mbere yacu. N’abandi baririmba Hip-Hop ariko njye nibanda cyane ku baririmbaga RnB bari bandi hafi yanjye twaririmbanaga, twasangiraga.”

B-Loon avuga ko agarutse izina rikiri B-Loon, kandi ko mu njyana azakora iyo ari yo yose abona izatuma ashimisha abakunzi be akanagaragaragaza impano ye.

Ati: “Ubu mperuka kuririmba mu gitaramo cya Urban Boyz bamurika Album, aho naririmbye indirimbo zanjye nshya, nanabibutsa izo nari nararirimbye kera, ariko ubu ngubu ngiye kubanza kugeza hose ibihangano byanjye mbyamamaze ibitaramo byo nzabitangira maze kubagaragariza icyizere ko nagarutse, inganzo uko izajya iza nzajya ndirimba ntabwo nzizitira nzaririmba style zose uko nzishoboye”.

Asoza agira ati “Umuziki ubu umaze gutera imbere nk’abasore twatangiranye rwose ubu ngubu urabareba ukabona ko bameze neza nta kibazo, bariya bose nakubwiye ruguru, na ba King James, na ba nde n’abandi bose twatangiranye nk’ubu ngubu iyo mbakubise amaso mbona ko umuziki utakiri wa wundi wa kera twakoraga bitarazamo amafaranga kuko ubu ngubu byabaye business. Wakubeshaho, wagutungira umuryango.”


Kwamamaza

Kwamamaza

Izindi nkuru wasoma

Inkuru ziheruka - B-Loon

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .