Lick Lick, Meddy, Murenzi (CFM), K8, Miss Bahati, The Ben bahugiye ku ki muri Amerika?

Yanditswe na

Richard IRAKOZE

Kuya 22 Werurwe 2012 saa 08:10
Yasuwe :
0 0

Ushobora kuba wibaza aho abahanzi nyarwanda, bamwe mu banyamakuru bakundwaga hamwe na Miss Rwanda 2009 (Bahati Grace) berekeje muri Amerika ubu baherereye n’icyo bari gukorayo. Hari na bamwe bagiye bahwihwisa ko baba babana cyangwa se ngo bahura kenshi kandi ku buryo bworoshye. Ibyo ngo sibyo kuko bavuga ko no kubonana ubwabyo biba bigoye biturutse ku kuba baba mu mijyi itandukanye, impamvu ziba zarajyanye buri muntu n’icyo ahugiyeho.
Bamwe mu baganiriye n’Ikinyamakuru IGIHE, mu numero yacyo (...)

Ushobora kuba wibaza aho abahanzi nyarwanda, bamwe mu banyamakuru bakundwaga hamwe na Miss Rwanda 2009 (Bahati Grace) berekeje muri Amerika ubu baherereye n’icyo bari gukorayo. Hari na bamwe bagiye bahwihwisa ko baba babana cyangwa se ngo bahura kenshi kandi ku buryo bworoshye. Ibyo ngo sibyo kuko bavuga ko no kubonana ubwabyo biba bigoye biturutse ku kuba baba mu mijyi itandukanye, impamvu ziba zarajyanye buri muntu n’icyo ahugiyeho.

Bamwe mu baganiriye n’Ikinyamakuru IGIHE, mu numero yacyo ya Gatatu yo kuva kuwa 6-12 Werurwe 2012 baherereye muri Amerika bavuga ko buri wese aba ahugiye muri gahunda ze, cyane cyane iz’amasomo kuri bamwe.

Ubwo twaganiraga na producer akaba n’umuhanzi Lick Lick, yavuze ko mu bahanzi nyarwanda bazwi bagiye muri Amerika nta n’umwe ubana n’undi kandi ko biba ari ibintu bigoye, ngo keretse mwiga hamwe cyangwa mukora ibintu bimwe.

Yagize ati:”Oya, jyewe ndibana. Tuba tuba mu mijyi itandukanye. Hano uzi ukuntu biba bimeze se? Kubana n’umuntu ni ibintu biba bigoye cyane kubera ko buri muntu aba akina ize. Sha! Umuntu akina dilu ize (dilu ze= gahunda yimirije imbere) kabisa; nonese ubwo wabana n’umuntu utazi ize? N’ubwo tuba twarabanye mu muziki ariko umuntu aba yifitiye targets ze (intego ye) mwana. Ntabwo wabana n’umuntu kuko uba ufite uko waje. Urumva kubera ukuntu umuntu aza aba yifitiye dilu ze cyangwa se n’ababyeyi bakohereje ngo ujye mu bo mu miryango ukaza ufite abantu bakwakira ntabwo wajya kubana n’umuntu tu, ni iki se?

Tuba tunaba mu Mijyi na leta zitandukanye; nko kuva hano ujya Texas, California cyangwa se New York ni nko kuva nk’aho ngaho mu Rwanda ujya muri Afurika y’Epfo cyangwa muri Sudani, hano biba bitandukanye cyane. Niyo mpamvu uba usanga kubana ari ibintu bigoye cyane tu, keretse iyo muhuje ibintu murimo; mwiga hamwe cyangwa ibintu nk’ibyo nyine….”

Miss Bahati ari kwiga

Bahati Grace (tutabashije kuvugana ubwe) aba muri Washington DC, aho ahugiye cyane mu masomo nk’uko Lick Lick na Murenzi Kamatari (CFM) babyemeza. Murenzi yagize ati:”Miss aba ari busy (ahuze) n’amashuri. No kugira ngo uzamubone kuri phone biba bitoroshye wangu, ariko ameze neza tu”.

Lick Lick we yagize ati: ”Nka Bahati nzi ko aba DC nta makuru ye nzi, erega jye nibwo nkigera hano! Hano iyo umuntu akihagera arabanza agashyira ubwenge ku gihe, akanamenyera n’ibihe byaho.”

Bamwe mu nshuti ze bavuga ko Miss Bahati wabaye nyampinga w’u Rwanda mu 2009 yaba abana na bamwe mu bo mu muryango we aho i Washington, DC.

Twabibutsa ko Bahati yagiye muri Amerika kuwa 22 Kamena 2011.

Murenzi CFM ari kwiga

Murenzi wigeze kubana na K8 we asigaye aba ahitwa Albany, New York. Uretse kwiga, Murenzi anakora akazi tutashoboye kumenya i New York. Yagiye muri Amerika mu Kwakira 2011.

Meddy ahugiye mu buhanzi n’amasomo

Meddy we yiga muri Texas Christian University. Uyu muhanzi uherutse gusohora indirimbo yise ‘Ni Jyewe’ avuga ko ari mu gutegura ibikorwa bitandukanye birimo gusohora album nshya. Arateganya kandi kuzagaruka mu Rwanda gukora ibitaramo mu kwezi ataratangaza.

K8 ahugiye mu kazi no mu masomo

K8 we uretse amasomo anakora akazi tutabashije kumenya neza muri leta ya Texas. Ni umwe mu bakunda kuba bari kumwe na Meddy.

The Ben ahugiye cyane mu masomo ya muzika

Umuhanzi The Ben, duheruka kubatangariza ko yari ari mujyi wa Detroit ho muri Leta ya Michigan aho yari yagiye gukorana ibihangano n’ibitaramo bitandukanye n’umuhanzi Mike Ellison. Ubu ari ahitwa Pittsburg.

We na Meddy bagiye muri Amerika tariki ya 4 Nyakanga 2010, ubwo bari bitabiriye igitaramo cy’Abanyarwanda baba muri Amerika cyiswe ‘Urugwiro Conference’.

Lick Lick ari mu muziki, ateganya kwiga muri Kamena

Lick Lick yatangarije IGIHE ko arimo gutunganyiriza umuhanzi witwa Master D indirimbo ze ahantu hitwa Orrayo hafi y’aho atuye i Dallas muri Texas.

Ku byerekeye amasomo, Lick Lick yagize ati:”Nzatangira kwiga mu kwa gatandatu mu mpeshyi (Summer).”

Gusa ubu aba ari gutunganya indirimbo zitandukanye aho nyuma yo gukora indirimbo ‘Wantwaye Umutima’ ya Uncle Austin na K8, ‘Ni Jyewe’ ya Meddy, amaze gukora indi ndirimbo y’umuhanzi K8 Kavuyo ateganya gusohora mu minsi ya vuba.

Lick Lick yagiye muri Amerika kuwa 16 Mutarama 2012. Yari umwe mu batunganya indirimbo bakunzwe cyane. Ibi bigaragazwa n’ibihembo bya Salax Awards yegukanye inshuro eshatu yikurikiranya.

Barateganya kujya batumira abahanzi nyarwanda muri Amerika

Mu mushinga wakozwe na Murenzi, babifashijwemo n’abaterankunga, kuri ubu aba bahanzi barateganya gutangira kujya batumira abahanzi bakunzwe mu Rwanda bakajya gukorera ibitaramo muri Amerika nk’uko mu bindi bihugu basanze babigenza.

Murenzi avuga ko ibi bizatuma abahanzi bo mu Rwanda batanyoterwa kujya muri Amerika ubutagaruka kandi wenda bari bitezweho byinshi n’abafana babo mu Rwanda.

Yagize ati:”Turashaka kuzajya dukorana n’Abanyarwanda ba hano tukazajya twifashisha amasosiyete akomeye agatumira abahanzi b’Abanyarwanda nk’uko Abagande baba ino batumira abahanzi babo; natwe dushaka kubitangiza, wenda bizatuma abahanzi batagira ya mico yo kujya hanze ngo bagumeyo".

Murenzi avuga ko urwo ari rwo ruhare basanze bagomba gutanga mu muziki nyarwanda ; yongeraho ko bakurikiranira hafi umuziki wo mu Rwanda n’uko imyidagaduro yaho ihagaze bakoresheje internet.

Uretse iki gikorwa, Murenzi avuga ko ubu hari indirimbo ya Babou, iya DMS n’iya SKC zagiye zicurangwa kuri amwe mu maradiyo yo muri Amerika no mu mazu y’urubyiniro yaho, biturutse ku kuba bagenda bazikwirakwiza aho bashoboye kugera hose.

Umva zimwe mu ndirimbo baheruka gusohora:



KANDA HANO USHOBORE KUMVA
  Turi Bamwe By The Ben Ft Mike Ellison


KANDA HANO USHOBORE KUMVA
  Ntibayoka By K8 Kavuyo


KANDA HANO USHOBORE KUMVA
  Ni Njyewe By Meddy


KANDA HANO USHOBORE KUMVA
  Wantwaye Umutima Remix By Uncle Austin Ft K8 Kavuyo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .