00:00:00 IGIHE NETWORK KN KINYARWANDA EN ENGLISH FR FRANCAIS

Umunyamideli Isimbi yahawe Range Rover Evoque ku isabukuru ye y’amavuko

Yanditswe na Mukahirwa Diane
Kuya 27 Ukuboza 2022 saa 08:26
Yasuwe :

Isimbi Vestine wamamaye mu mideli nka Isimbi Model, yahawe n’umugabo we Shaul Hatzir impano y’imodoka yo mu bwoko bwa Range Rover Evoque, ku isabukuru ye y’amavuko.

Mu ntangiriro za 2022 nibwo Isimbi na Shaul Hatzir barushinze, nyuma y’igihe bari mu rukundo.

Abinyujije ku rukuta rwe rwa Instagram, Isimbi yatangaje ko anejejwe no kuba umugabo we yamuhaye imodoka, nk’impano yo ku isabukuru ye.

Ati "Imana ihe umugisha umugabo wanjye kubera ko ahora aharanira icyanshimisha kandi azi neza ibyo nkunda. Impano y’isabukuru."

Ntabwo Isimbi agaragaza umwaka imodoka yahawe yasohokeyemo, gusa igiciro cya Range Rover Evoque kibarirwa muri miliyoni 46 Frw.

Isimbi ni umwe mu banyamideli bakomeye. Yagiye yitabira ibitaramo byo kumurika imideli binyuranye ndetse ni n’umwe mu bakobwa bagaragaye mu ndirimbo ’Closer’ yahuriyemo Meddy, Uncle Austin na Yvan Buravan.

Yatangiye kurya umunyenga mu modoka nshya yahawe n'umugabo we
Isimbi ari mu byishimo by'impano yakiriye ku isabukuru ye
Isimbi yashimiye umugabo we wamuhaye Range Rover Evoque ku isabukuru ye
Mu ntangiriro za 2022 nibwo Isimbi na Shaul Hatzir barushinze
Isimbi ni umwe mu banyamideli bahagaze neza mu Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .