00:00:00 IGIHE NETWORK KN KINYARWANDA EN ENGLISH FR FRANCAIS

Mu Rwanda hagiye kuba iserukiramuco ry’imideli mu isura idasanzwe

Yanditswe na Uwiduhaye Theos
Kuya 28 April 2022 saa 02:09
Yasuwe :

Abategura igikorwa cyo kumurika imideli (Rwanda Cultural Fashion Show) ku bufatanye na Kalisimbi Events, bateguye igikorwa cyiswe Kigali International Multicultural Festival [KIMF] kizahuriza hamwe abo mu ruganda rw’imideli mu ngeri zitandukanye.

Ni igikorwa giteganyijwe kuba ku wa 28 Gicurasi kugeza ku wa 4 Kamena. Ni iserukiramuco rigamije rigamije guhuza imico by’umwihariko no kumurika imideli aho abanyamideli n’abahanzi bayo bazitabira iki gikorwa.

Uwimbabazi Moniah ushinzwe iyamamazabikorwa muri Rwanda Cultural Fashion Show, yabwiye IGIHE ko iki gikorwa bagitekereje kuko bashakaga guhuza abanyamahanga baba mu Rwanda n’abo hanze mu rwego rwo kumenyekanisha umuco nyarwanda ndetse n’ibihakorerwa.

Ati “Twabonye ko hari abanyamahanga benshi mu Rwanda badafite ikintu kibahuza niko gutekereza gutegura KIMF mu rwego rwo kubahuza. Kumenyekanisha umuco nyarwanda mu banyamahanga baba mu Rwanda, ibikorerwa mu Rwanda ndetse by’umwihariko twifashishije abamurika imideli tukabereka byinshi birimo imyambaro itandukanye yaba iyo mu Rwanda no hanze.”

Yakomeje avuga ko iki gikorwa bacyitezeho ibintu bitandukanye byafasha Abanyarwanda gukomeza kwiyumvamo imideli no gukunda umuco.

Ati “Icyo twiteze kuri iri serukiramuco ni uko abanyamahanga benshi bazasobanukirwa umuco nyarwanda bakarushaho kuwukunda. Gutanga akazi. Gufasha abanyamaha bari mu Rwanda kunezerwa mu mico yabo. Abanyarwanda bazagira ubumenyi ku mico itandukanye y’ibindi bihugu. Guteza imbere no kumenyekanisha uruganda ry’ imideli n’imyambarire nyarwanda ishingiye ku muco n’ikorerwa mu Rwanda n’ibindi.”

Abazitabira iri serukiramuco batumiwe kugeza ubu harimo n’abahagarariye ibihugu byabo mu Rwanda, abanyenshuli b’abanyamahanga biga mu Rwanda , abahagarariye imiryango mpuzamahanga ikorera mu Rwanda, abacuruzi b’abanyamahanga bari mu Rwanda, abamurika imideli n’abayihanga ndetse n’abanyarwanda bakaba batumiwe muri rusange.

Muri iri serukiramuco hazabaho ibikorwa bitandukanye birimo imurikagurisha, kumurika imico itandukanye, kumurika imideli n’ibindi.

Sosiyete ya Rwanda Cultural Fashion Show na Kalisimbi Events zasinye aya masezerano mu gihe cy’imyaka ine ariko ashobora kongerwa. Iri serukiramuco rizajya riba buri mwaka. Bavuga ko bahisemo guhuza imbaraga kuko imwe ifite ubunararibonye mu bijyanye n’imideli mu gihe indi isanzwe ikora cyane ibintu byerekeye Made in Rwanda.

Uwimbabazi Moriah ushinzwe iyamamazabikorwa muri Rwanda Cultural Fashion Show na Mugisha Emmanuel Kalisimbi Events
Aya masezerano azamara imyaka ine

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .