Iyi nzu ihanga imyambaro itandukanye irimo iy’abagabo, abagore, abasore n’inkumi ndetse n’abana mu ngeri zitandukanye. Ikindi kandi igakora imitako yo mu nzu n’imirimbo y’abantu.

Oli Nganzi w’abana bane mu guhanga imyambaro ye nka benshi mu bahanga imideli arabanza akagira igitekerezo, agashushanya umwambaro ubundi nyuma akabiha umufasha akabidoda.

Mu kiganiro yagiranye na IGIHE, yavuze ko yageze mu Rwanda mu 2015 we n’umuryango we, ashaka gushinga inzu ihanga imideli ariko bikabanza kumugora cyane ko nta bantu bari baziranye nyuma akaza kubyinjiramo afashijwe n’umuturanyi we wagiye amuhuza n’abantu batandukanye.

Ati “Naje mu Rwanda mu 2015 mara imyaka itatu ntaratangira gukora kubera ko nta bantu twari tuziranye bari kumfasha guhita njya ku isoko ryo mu Rwanda. Mu 2019 nibwo natangiye gukora mfashijwe n’umuturanyi twahuriye ino, gusa O’Poma Design yari isanzwe ihari.”

Oli Nganzi yavuze ko yahisemo kuza gukorera mu Rwanda kuko ari igihugu cyiza kandi gifite uruganda rw’imideli ruri gutera imbere ariko na we ashaka gutanga umusanzu mu guteza imbere ibikorerwa muri Afurika muri rusange.

Ati “Naje gukorera mu Rwanda nshaka gukomeza guteza imbere ibikorerwa muri Afurika muri Rusange. Nshaka ko dukomeza kwereka isi ibyo Afurika imaze kugeraho mu guhanga imyambaro. Uruganda rw’imideli mu Rwanda rumaze gutera imbere.

Asobanura ko imyambaro ye ifite umwimerere wa kinyafurika.

O’Poma Design ikorera mu Murenge wa Remera Nyabisindu, hafi ya Rond Point.

Iyi myambaro Oli avuga ko ayikora yifashishije ibintu bitandukanye birimo n'ibiva hanze ya Afurika

O’Poma Design iherereye Kimironko mu Mujyi wa Kigali

Oli Nganzi yaje gukorera mu Rwanda ashaka gutanga umusanzu mu guteza imbere imyambaro ya Kinyafurika

Uyu mugore akora itandukanye yaba iy'abagabo, abagore n'abana

Uretse imyambaro muri O’Poma Design bakora n'ibindi bintu bitandukanye

Ubusanzwe Oli Nganzi akoresha cyane ururimi rw’Igifaransa, abajijwe niba bitazaba imbogamizi cyane ko u Rwanda abaturage bacyo benshi bakoresha Icyongereza, asubiza ko mu guhanga imideli nta mbibi

Oli yatangiye gushaka aho amenera mu ruganda rw'imideli mu 2019, mu 2022 aba aribwo ibintu ku murongo

Oli wambaye umuhondo imyambaro arayishushanya akabiha abamufasha bakadoda

Oli Nganzi uri hagati niwe watangije O’Poma Design

O’Poma Design yamuritswe ku mugaragaro kuri uyu wa Gatandatu

O’Poma Design ifite umwihariko wo kuba mu guhanga imyambaro bakoresha ibirimo n'igitenge

Hari imyambaro itandukanye irimo n'iy'igitsinagabo

Amashati ya Kinyafurika ari mu bikorerwa muri O’Poma Design

Amakanzu y'abana ari mu myenda ikorwa n'iyi nzu ihanga imideli

Amafoto: @Jeremie_Photo1