Iyi nama izwi nka CHOGM [Commonwealth Heads of Government Meeting] iri kubera i Kigali izitabirwa n’abarenga 5000 barimo Igikomangoma Charles, Minisitiri w’Intebe w’u Bwongereza, Boris Johnson n’Abakuru b’Ibihugu barenga 35.

Hazakorerwamo ibikorwa bitandukanye birimo inama n’ibindi bijyanye n’imyidagaduro haba ibitaramo n’ibikorwa byo kumurika imideli bizitabirwa n’abahanzi b’imideli baturutse mu bihugu binyuranye.

Mu bijyanye n’imideli hateguwe Kigali Fashion week izakorerwamo ibikorwa bitandukanye bijyanye n’imideli, byateguwe na Collective RW.

Tariki 21 Kamena 2022 muri Kigali Conference and Exhibition Village (KCEV) ahazwi nka Camp Kigali, kuva saa Kumi hazabera ibiganiro bijyanye n’ubucuruzi mu mideli.

Kuri uyu munsi saa Moya n’igice kugeza saa Yine kuri ATELIER hazaba ibikorwa bya nijoro bigenewe imideli ari na bwo hazamurikwa isoko rya Commonwealth n’imurikabikorwa ry’amafoto riteganyijwe muri iki cyumweru. Bizanakomeza ku munsi ukurikiyeho.

Tariki 23 Kamena 2022, muri BK Arena hazaberamo ibikorwa byo kumurika imideli bizitabirwa n’abanyamideli batandukanye. Kwinjira bizaba ari 25.000 Frw na 15.000 Frw.

Ku wa 25 Kamena 2022 kuri ATELIER ni bwo hazaba ibikorwa byo gufunga isoko rya Commonwealth n’imurikabikorwa ry’amafoto.

Ikindi gikorwa kijyanye n’imideli cyateguwe ni CHOGM Street Festival yateguwe na Kigali Farmers, Artisans’ Market, Ikaze PCO na Intore Entertainment.

Iki gikorwa kizamara icyumweru kibera mu Imbuga City Walk, agace katanyurwamo n’ibinyabiziga mu mujyi wa Kigali rwagati, kirimo ibikorwa bitandukanye by’imyidagaduro n’abanyamideli batandukanye ndetse abo mu Rwanda bazahabwa umwanya wo kumurika ibikorwa byabo.

Abanyamideli bo mu Muryango w’Ibihugu bikoresha Ururimi rw’Icyongereza, Commonwealth, bahawe umwanya wo kwerekana ibikorwa byabo mu Nama ya CHOGM

Abanyamideli bo mu bihugu bigize Commonwealth bazitabira ibikorwa bitandukanye bigaragaza ibyo bakora

Ibi bikorwa bizitabirwa n'abanyamideli bo mu bihugu bya Commonwealth

P E P P E R R O W yo muri Nigeria nayo izitabira Rwanda Fashion week

Zöi by Mackenzies izerekana imyambaro yayo muri Rwanda Fashion week

Imyambaro ya Kanyana World izaba iri kwerekanwa muri Street Festival

Uruganda rukora inkweto rwa Ceka narwo ruri muri Street Festival