00:00:00 IGIHE NETWORK KN KINYARWANDA EN ENGLISH FR FRANCAIS

Impamvu igitaramo cyo gusoza PGGSS II kitaciye Live kuri televiziyo

Yanditswe na

IGIHE

Kuya 1 August 2012 saa 10:35
Yasuwe :

Kuba igitaramo cyo gusoza irushanwa rya Primus Guma Guma Super Star II kitaraciye LIVE kuri Televiziyo y’u Rwanda (RTV) ngo byatewe no gukererwa gutangira kw’igitaramo biturutse ku bateguye aya marushanwa, ari nabo basabye ko kitaca LIVE kuri televizyo.
Mu kiganiro yagiranye na IGIHE, Jean Pierre Uwizeye umuyobozi ushinzwe kwamamaza ikinyobwa cya PRIMUS na Heinken muri BRALIRWA, yavuze ko iki gitaramo kitagombaga guca LIVE kuri Televiziyo nk’uko n’ibindi bitaramo byo gutangaza abakomeza (...)

Kuba igitaramo cyo gusoza irushanwa rya Primus Guma Guma Super Star II kitaraciye LIVE kuri Televiziyo y’u Rwanda (RTV) ngo byatewe no gukererwa gutangira kw’igitaramo biturutse ku bateguye aya marushanwa, ari nabo basabye ko kitaca LIVE kuri televizyo.

Mu kiganiro yagiranye na IGIHE, Jean Pierre Uwizeye umuyobozi ushinzwe kwamamaza ikinyobwa cya PRIMUS na Heinken muri BRALIRWA, yavuze ko iki gitaramo kitagombaga guca LIVE kuri Televiziyo nk’uko n’ibindi bitaramo byo gutangaza abakomeza n’abavamo byaberaga I Gikondo byagendaga. Akavuga ko iki gitaramo cyagombaga guca kuri TVR kirangiye.

Jean Pierre Uwizeye avuga ko ibi nabyo bitaje gushoboka kubera ko cyatinze gutangira. Yagize ati:”Ikibazo ntabwo ari icya TVR, ni ikibazo cy’uko twatinze gutangira gusa nta kindi.”

Jean Butoyi, umuyobozi ushinzwe gahunda z’ibiganiro kuri Televiziyo y’u Rwanda we avuga ko bari biteguye kugaragaza iki gitaramo LIVE. Avuga ko saa yine z’ijoro zenda kugera, ubuyobozi butegura iri rushanwa bwaje kubabwira ko gahunda yahindutse ko badashaka ko kiza guca LIVE kuri Televiziyo. Akavuga ashimangira ko nta kindi bari gukora kitari ukwubahiriza icyifuzo cy’abakiriya babo.

Yagize ati:”Twebwe imodoka yari ihari twiteguye kubicishaho LIVE ariko ubuyobozi bwa PGGSS butubwira ko tutagomba kubicishaho LIVE, dufata amashusho bisanzwe. Twebwe twakiriye amafaranga yabo ko bicaho LIVE, bo nk’abakiriya bacu batubwira ko batifuza ko biba Live; iby’impamvu ntabwo twashatse kubyinjiramo cyane.”

Butoyi avuga ko nyuma y’iminota nka 20 aya marushanwa akirangira byahise bicaho ku buryo abantu babashije kubireba. Avuga ariko ko kubera uko batutswe n’abantu benshi byabasabye kwandika kuri ayo mashusho bisegura bavuga impamvu amashusho ataciyeho LIVE ari ukubera ubuyobozi buyategura bwabibabujjije.

Jean Pierre Uwizeye yavuze ko ibi bitaramo kuva byatangira batifuje ko byajya bica LIVE kuri TVR mu kwirinda impanuka ziturutse kuri tekiniki n’ibindi bibazo bidashobora guhita bikumirwa ako kanya byabishya irushanwa.

Akavuga ko ari yo mpamvu ibi bitaramo byagiye binyuzwa kuri Televiziyo nyuma gato y’uko birangiye, kandi akishimira ko byari byaragenze neza uretse iki gitaramo cya nyuma cyakererewe cyane kandi abantu barifuzaga guhita bamenya uko cyagenze ako kanya.

Yijeje abafana batabonye amashusho y’uko iki gitaramo, cyatangajwemo ko King James ari we wegukanye umwanya wa mbere muri PGGSS II akazahabwa miliyoni 24, cyagenze ko bateganya kuzayasubizamo Kuwa Gatandatu tariki ya 4 Kanama 2012.

REBA UKO IKI GITARAMO CYAGENZE MU MAFOTO : KANDA HANO NA HANO


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .