00:00:00 IGIHE NETWORK KN KINYARWANDA EN ENGLISH FR FRANCAIS

USA: Abatuye Portland bazahurira mu gitaramo kuri uyu wa Gatandatu

Yanditswe na

IGIHE

Kuya 20 Ukuboza 2013 saa 02:14
Yasuwe :
0 0

Biteguwe n’itsinda “African Connection” risanzwe ritegura ibirori bitandukanye, kuri uyu wa Gatandatu tariki ya 21 Ukuboza 2013 iri nsinda ryateguye itaramo kiswe “Black and white” kizahuza Abanyarwanda n’abandi Abanyafurika bari muri Leta Zunze Ubumwe za Amerika, ariko cyane cyane abaherereye muri Leta zigize New England.
Iki gitaramo kizabera muri Leta ya Maine mu Mujyi wa Porland, kizatangira ku isaha ya saa kumi n’ebyiri ku isaha y’i Portland ni ukuvuga saa saba z’ijoro ku isaha y’i Nyanza (...)

Biteguwe n’itsinda “African Connection” risanzwe ritegura ibirori bitandukanye, kuri uyu wa Gatandatu tariki ya 21 Ukuboza 2013 iri nsinda ryateguye itaramo kiswe “Black and white” kizahuza Abanyarwanda n’abandi Abanyafurika bari muri Leta Zunze Ubumwe za Amerika, ariko cyane cyane abaherereye muri Leta zigize New England.

Iki gitaramo kizabera muri Leta ya Maine mu Mujyi wa Porland, kizatangira ku isaha ya saa kumi n’ebyiri ku isaha y’i Portland ni ukuvuga saa saba z’ijoro ku isaha y’i Nyanza mu Rwanda. Kiri mu rwego rwo kwizihiza Noheli no kwifurizanya umwaka mushya wa 2014.

Kwizera Landry umuyobozi wa Africa Connection ari nayo irimo gutegura iki gitaramo, aganira na IGIHE yagize ati “ Twateguye iki gitaramo mu rwego rw’ubusabane bw’Abanyafurika batuye muri New England, ni ukuvuga abatuye Massachusetts, Maine, New Hampshire, Vermont, Rhode Island, na Connecticut. Azaba ari umwanya mwiza wo kugirango abantu bahure bishime basabane basangire kandi babyine bifurizanya Noheli niza n’umwaka mushya muhire wa 2014.”

Agashya muri iki gitaramo ni uko uzahiga bandi kwambara neza azahembwa, dore ko umwambaro uteganyijwe kwambarwa kuri uwo munsi akazaba ari umukara n’umweru, si ibyo kandi gusa kuko abazabasha kuhagera bazagira umwanya wo kwifotoza kuko hazaba hari na ba gafotozi babigize umwuga.

Kwinjira muri iki gitaramo kizabera kuri 152 State Street Portland, Maine bizaba ari amadorari 10 ku muntu uri wenyine, na 15 k’uzaba afite umuherekeje (couple).

Insinda African Connection risanzwe ritegura ibitaramo bitandukanye muri Leta Zunze ubumwe za Amerika, igiheruka akaba ari icyo ryafatanyije n’Abanyarwanda bagize Press one cyari cyahawe izina rya ’Nduwikigali’. Si ibi gusa kandi kuko amakuru dukesha abayobozi ba African Connection ari uko mu minsi iri imbere bagiye kuzajya banatumiza abahanzi baba mu Rwanda, n’ahandi muri Afurika bakaza gutaramira abakunzi babo baba muri Leta Zunze Ubumwe za Amerika.

Hekuru ku ifoto:Kwizera Landry umuyobozi wa Africa Connection


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .