Ku nshuro ya 3 irushanwa rya Primus Guma Guma Super Star riba, abahanzi bari kurihataniramo batangiriye mu ntara y’Uburengerazuba bataramira abatuye mu karere ka Rusizi no mu nkengero zako, muri gahunda y’ibitaramo bizenguruka uduce dutandukanye tw’igihugu.
Mbere y’uko abahanzi baririmba habanje igikorwa cyo gushyushya imbaga yaje kwihera ijisho abahanzi babo bakunda, babifashijwemo na Mc Tino afatanyije na Anita Pendo.
Ku mpande zose, hari abafana babukereye, bitwaje ibyapa biriho amazina y’abo bakunda, bamwe banafite za Vuvuzela, bagaragaza ko bishimiye kubabona imbonankubone mu karere ka Rusizi aho babatamire mu kigo abagenzi bategeramo imodoka.
Uko abahanzi bakurikiranye mu kuririmba:
1. Urban Boys
2. Mico The Best
3. Christopher
4. Knowless
5. Senderi International Hit
6. Dream Boys
7. Fireman
8. Bulldogg
9. Kamichi
10. Riderman
11. Danny Nanone
Umuhanzi ’Amag The Black’ yaje gutungurana azamuka ku rubyiniro afatanya na Riderman na Urban Boys kuririmba indirimbo ‘Simubure’ bakoranye , mu gihe atari mu bateganyijwe kuririmba, kanadi atari no mu bahanzi 11 bari guhatana muri PGGSS ya
Iki gitaramo cyatangiye ahagana mu ma saa munani n’igice, gisoza saa kumi n’ebyiri z’umugoroba.
Igitaaramo cyarangiye bigaragaye ko ‘Fireman’ ari mu bashimishije abafana cyane, agakurikirwa na Knowless, hagakurikiraho Senderi International Hit na Riderman.
Igitaramo nk’iki cy’ubutaha giteganyijwe kubera i Nyamagabe mu Ntara y’Amajyepfo.
TANGA IGITEKEREZO