Kuri ‘Mulindi Japan One Love’ abenshi bakunda kwita kwa ‘Rasta’ haraye habereye igitaramo cyahuje aba-Rasta bo mu Rwanda, mu rwego rwo kwibuka nyakwigendera Bob Marley, ikirangirire mu njyana ya reggae watabarutse tariki ya 11 Gicurasi 1981.

Tariki 11 Gicurasi buri mwaka isi yose yibuka umunsi ‘Bob Nesta Marley’, ikirangirire mu njyana ya reggae, yatabarukiyeho. Bityo n’aba-Rasta bo mu Rwanda bahuriye kuri ’Mulindi Japan One Love’ bakora igitaramo cyo kuzirikana umurage w’urukundo n’amahoro yasigiye abatuye isi.

Muri iki gitaramo hari hari amatsinda acuranga injyana ya reggae nka ‘Strong Voice’ na ‘Mystic Revelation Band’, banafatanya n’abahanzi batandukanye bakora iyi njyana nka ‘Ras Jah Bone D’ ukorera muzika ye mu gihugu cy’u Busuwisi, ‘Natty Dread’, ‘Ras Kayaga’, ‘Ras Nyabingi’, ‘Ras Nyampinga’, n’abandi ndetse bakaba bari batewe ingabo mu bitugu na Jean Paul Samputu hamwe na ‘Sofia’ umucuranzikazi w’inanga gakondo.

Iki gitaramo cyabaye, cyateguraga kandi ikindi gikuru giteganyijwe kubera aha n’ubundi kuri uyu wa gatandatu ku munsi nyirizina isi yose yibukirahoa Bob Marley.

Amafoto:

Abagize 'Mystic Revelation Band' bafunguye igitaramo

Ras Clesse yamanitse ifoto y'aba-Rasta b'ibyamamare

Mc Peter Phil ni we wari umushyusyabirori

'Strong Voice' bashimishije abantu cyane

Ras Natty Dread yari akumbuwe cyane

'Ras Gatera Lion', umuyobozi wa 'Mulindi Japan One Love Project'

'Sofia' yakirigisa inanga akora no mu muhogo biratinda

Ras Nyampinga (umuzungu) na Ras Nyabingi mu njyana ya reggae idasanzwe

'Jean Paul Samputu' mu ndirimbo ze zakunzwe na benshi

'Ras Kayaga - Maguru' yongeye kwiyereka abakunzi be

Aba-RAsta babyinnye Reggae karahava

'Ras Jah Bone D' ni we wasoje igitaramo