Umuhanzi Ngombwa Timothy uzafatanya n’Itorero Intayoberana muri icyo gitaramo yakoze ibihangano bitandukanye kandi byakunzwe, nk’indirimbo “Inyange” yakoze mu 1990, indirimbo “Umwali” yo mu 1993 n’izindi.

Ngombwa yatangarije IGIHE ko mu buhanzi bwe yibanda ku ndirimbo z’urukundo ndetse n’ibihozo, ati “Inganzo y’ubuhanzi bwanjye yibanda ku muco w’Igihugu cyatubyaye, urukundo ndetse n’ibihozo by’abana.”

Avuga ko muri uyu mwaka wa 2015 afite ibindi bihangano azageza ku banyarwanda, kandi ko abazitabira icyo gitaramo azabasogongezaho.

Igitaramo kizaba ku wagatanu tariki ya 27 Werurwe 2015 guhera saa kumi n’ebyeri z’umugoroba kugeza saa yine z’ijoro, kizabera ahahoze hitwa muri Eto Kicukiro (ubu ni IPRC Kigali), kwinjira ni 5000 ndetse na 1000 ku banyeshuri.