Jermaine Jackson, umuvandimwe wa Michael Jackson, yashimiye bivuye ku mutima itsinda P-Square rigizwe na Peter na Paul Okoye kubera indirimbo bahimbiye umuririmbyi Michael Jackson.

Mu rwego rwo kumwibuka itsinda P-Square ryashyize hanze iyi ndirimbo bise “Personally”, ifite amashusho ku rubuga rwa youtube, bati “Iyi ndirimbo tuyishyize ahagaragara kubera umuriribyi wacu w’icyitegererezo, icyamamare mu njyana ya Pop”.

Iyi ndirimbo yasohotse mu kwezi kwa Kamena 2013 igenewe uyu muhanzi watabarutse muri kamena umwaka wa 2009.

Jermaine yagize ati “Ntibikunze kubaho, kuba hahimbwa indirimbo nk’iyi P-Square bashyize hanze, biranejeje”.

Yongeye ati “Ikinteye kugira icyo mvuga, ni uko indirimbo “Personally” yongeye kunyibutsa Michael, ikaninyibutsa ibihe twabayemo n’abavandimwe bacu”.

Ibi yabitangaje mu izina ry’abavandimwe be, agagaza ko bishimiye ikimenyetso cyiza P-Square iberetse, ati “Bakoze indirimbo nziza yadukoze ku mutima, kandi ifite injyana. Nizera ko rimwe Imana n’idufasha tuzahura na P-Square”.

Iyi ndirimbo yiganjemo imyamabarire yaranze Michael Jackson ku rubyiniro, no mu mashusho ya nyinshi mu ndirimbo ze.

Indirimbo Personally ya P-Square: