Mu gitaramo cyo kuri iki Cyumweru tariki ya 27 Ukwakira, umuhanzi nyarwanda Phionah Mbabazi yashyizwe ku rutonde rw’abahabwa amahirwe make muri iri rushanwa ndetse bashobora gusezererwa mu gihe cya vuba.

Ni mu gitaramo cyafunguwe n’Umunyarwanda Patrick Nyamitari mu ndirimbo ‘African in New York’ ya Napoleon Da Legend, uyu we akaba yanashimwe n’abagize akanama nkemurampaka bose harimo na Judge Ian Mbuga, wagaragaje ko Nyamitari ahabwa amahirwe yo kugera kure muri iri rushanwa.

Ku musozo w’iki gitaramo cyari kinogeye ijisho, cyacaga LIVE kuri Televiziyo Citizen yo muri Kenya, abahanzi Phionah wo mu Rwanda na Jennifer na Fess bo muri Kenya na Angel wo muri Tanzania nibo bashyizwe ku cyo bita ‘probation’ bisobanuye ko ari bo bazavanwamo abazasezererwa kuri uyu wa Gatandatu.

Abazasezererwa ni abazaba batatowe cyane binyuze mu kohereza ubutumwa bugufi (SMS).

Kuri uyu wa Gatandatu, abahanzi babiri bo barasezerewe, abo akaba ari Mishel wo muri Kenya na The Undercover Brothers itsinda ryo muri Uganda.

Gutora Phionah ni ukujya muri telefone igendanwa ukandika 13 [iyi ni nimero ye imuranga muri TPF6] ukohereza kuri +254739966811.

Gutora Phionah Mbabazi ni byo byonyine byamuhesha amahirwe menshi yo gukomeza muri TPF6