00:00:00 IGIHE NETWORK KN KINYARWANDA EN ENGLISH FR FRANCAIS

Justin Bieber agiye gukora ubukwe na Hailey Baldwin

Yanditswe na Muvunyi Arsène
Kuya 16 Mutarama 2019 saa 03:12
Yasuwe :

Umuririmbyi w’icyamamare mu njyana ya R&B, Justin Bieber, ari mu myiteguro ikomeye y’ubukwe n’umunyamideli Hailey Baldwin bamaze amezi make babana.

Muri Nyakanga 2018 nibwo Justin Bieber yateye intambwe ikomeye yambika Hailey Baldwin impeta y’urukundo. Ibi byabereye muri Bahamas.

Baldwin w’imyaka 21 yigeze gukundana na Justin Bieber mu 2016 baza gutandukana, umubano wabo bongera kuwubyutsa banafata ibyemezo bikomeye.

Nyuma y’amezi abiri gusa bemeranyijwe kubana, mu ibanga rikomeye basezeranye imbere y’amategeko mu Mujyi wa New York batangira kuba nk’umugore n’umugabo.

Ikinyamakuru People cyanditse ko umwe mu nshuti za Justin Bieber n’umugore we yavuze ko bari kwitegura gukora ubukwe, bagasezerana imbere y’Imana n’imiryango yabo.

Yagize ati “Ubu nta kibirukansa kuko bamaze kubana byemewe n’amategeko, gusa barashaka kwishimana n’ababo.”

Ubu bukwe buzaba tariki ya 28 Gashyantare uyu mwaka, ndetse bamaze gushyira hanze integuza yabwo.

Ikinyamakuru Cosmopolitan cyanditse ko ubu bukwe bushobora kubera muri Canada ku ivuko rya Justin Bieber cyangwa se mu Mujyi wa New York.

Biravugwa ko Virgil Abloh usanzwe udodera uruganda rw’imideli rwa Louis Vuitton ari we uzadoda ikanzu y’umugeni. Justin Bieber n’umukunzi we ngo ntibashatse ko ubukwe bwabo buba igitangaza ndetse buzitabirwa n’abantu bake biganjemo abo mu miryango n’inshuti za hafi cyane.

Ukubana kw’aba bombi kwishimiwe n’imiryango cyane. Tariki 15 Gashyantare 2019, umubyeyi wa Justin Bieber yashyize ifoto kuri Instagaram ari kumwe n’umukazana we ari kumusoma ku itama, arenzaho amagambo ati “Mbega impano.”

Se wa Baldwin, umukinnyi wa filime Stephen Baldwin ubwo bamaraga kwambikana impeta yanditse kuri Twitter avuga ko we n’umugore we Kennya bahora basaba ugushaka kw’Imana.

Ati “Igiye mu mitima ya JB [Justin Bieber] na HB[Hailey Baldwin]. Nimucyo twese dukomeze dusenge maze ugushaka kwayo gukorwe. Mwembi ndabakunda cyane! Igihe cy’Imana, ibyiza biracyaza.”

Bamaze kubana byemewe n'amategeko igisigaye ni ukubyeraka Imana
Justin Bieber na Hailey Baldwin mu buryohe bw'urukundo
Justin Beiber yabanye na Hailey Baldwin nyuma y'igihe gito basubukuye urukundo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .