Mu gitaramo kidasanzwe Bebe Cool yakoreye muri Serena Hotel i Kampala, cyitabiriwe bikomeye ndetse by’umwihariko kikaba cyagaragayemo abagabo baza mu myanya ya mbere y’abaherwe muri Uganda no mu karere.

Mu bagabo b’abaherwe baje gushyigikira Bebe Cool bakanatanga amafaranga menshi , harimo Sudhir Ruparelia, Gordon Wavamunno na Godfrey Kirumira. Uyu Kirumira yari aherekejwe n’umugore we ndetse na we akaba yagaragaye abyina zimwe mu ndirimbo z’uyu muhanzi.

Mbere yo kuririmba Bebe Cool yabanje kwifotozanya n'aba baherwe

Indirimbo za Bebe Cool zishimiwe cyane ni iyitwa ‘Love You Every day’ yanatumye bamwe mu bafana barira kubera ibyishimo.

Tycoon Kirumira n'umugore we babyina. Uru rugo rubarurwa mu zikize muri Uganda

Uyu muhanzi winjije amafaranga menshi muri iki gitaramo, yashimiye umuntu wese wamuteye inkunga, itangazamakuru, abaterankunga ndetse n’umugore we Zuena udahwema kumuba hafi muri muzika.

Gashumba n'umukobwa we Gashumba Sheila

Bebe Cool ntiyatengushye abakunzi be

Kwinjira muri iki gitaramo cya Bebe Cool byari miliyoni eshanu z’amashiringi ya Uganda(mu myanya y’icyubahiro cy’ikirenga) , uyashyize mu manyarwanda agera kuri 1,297,235.

Aho aba bakire barimo Sudhir Ruparelia bari bicaye hishyurwaga miliyoni eshanu z'amashiringi

Bebe Cool yaririmbye ‘Love You Every day’ bamwe bararira

Alan Kanyike yari yishimye cyane

Bebe Cool n'ababyinnyi gakondo

Moses Ssali (aka Bebe Cool) yacyise ‘BBC 888’ (Best of Big Size Bebe Cool 888) kikaba cyabaye mu ijoro ryo ku itariki ya 8 Kanama 2014 muri Serena Hotel i Kampala, giterwa inkunga na Club beer na K FM.