Kuri uyu wa mbere tariki ya 5 Kanama nibwo umuraperi w’Umunyamerika 50 Cent yitabwe ubucamanza ubo yakurikiranaga ibirego aregwa byo gukubita uwahoze ari inshutiye Daphne Narvarez.

50 Cent ku nshuro ya mbere yitaba urukiko umuhagarariye mu mategeko yavuze ko nta cyaha kigaragara kimuhama ku kirego aregwa cyo gukubita uwahoze ari umukunzi we na nyina w’umwana we. Ibindi birego uyu muraperi aregwa ni ukwangiza umutungo.

50 Cent mu rukiko

Uyu muraperi 50 Cent izina rye nyakuri akaba yitwa Curtis Jackson yategetswe kwicara kure y’uwahoze ari umukunzi we Daphne Narvarez ndetse akaba yaranabujijwe kuganira nawe yaba kuri Telefone cyangwa Email. 50 Cent yabwiwe ko atemerewe gutunga imbunda ndetse ko agomba kwongera kwitaba ubucamanza tariki 4 Ukwakira 2013.

Narvarez avuga ko 50 Cent yamusanze mu nzu ye aho atuye i California muri Leta Zunze Ubumwe z’Amerika aramukubita ndetse na Polisi ikabishimangira ivuga ko yangije ibintu by’agaciro k’amadorari 7,100.