00:00:00 IGIHE NETWORK KN KINYARWANDA EN ENGLISH FR FRANCAIS

Umuramyi René Patrick agiye kurushinga n’umunyamakuru Agasaro wa KC2

Yanditswe na Uwiduhaye Theos
Kuya 12 Ukwakira 2021 saa 02:20
Yasuwe :
0 0

Umuhanzi uhimbaza Imana René Patrick n’umukunzi we akaba n’umunyamakuru wa KC2, Tracy Agasaro bagiye kurushinga.

Ku nteguza y’ubukwe bw’aba hagaragara ko hazabanza umuhango wo gusaba no gukwa uzaba ku wa 27 Ugushyingo, mu gihe ku wa 4 Ukuboza 2021 bazasezerana imbere y’Imana.

Ku wa 17 Nyakanga 2020, nibwo René Patrick yari yasabye Agasaro ukora kuri KC2, Ishami rya kabiri rya Televiziyo y’u Rwanda ko yamubera umugore. Uyu na we atazuyaje yahise amubwira ’Yego’.

Agasaro mu kiganiro na IGIHE nyuma yaho, avuga ko ubwo yambikwaga impeta wari umunsi udasanzwe.

Ati “Kiriya gihe mu mutima wanjye hari huzuyemo urukundo, ishimwe ku Mana, nshima Imana byanteye ishema bituma numva mbaye undi muntu rero ndabishimira Imana.”

Yavuze ko yamenyanye na René Patrick ubwo yari amubonye mu materaniro yo kuramya no guhimbaza Imana kuko yari asanzwe ari umufana we.

Ati “Nari nsanzwe ndi umufana we, ntabwo yari azi ko mufana ariko igihe kiravuga, yaje kubimenya. Twakundanye ndi umufana we cyane uretse ko n’ubu nzahora mufana, icya mbere nubaha ni uko azi, anubaha uwo ari kuramya.”

René Patrick ni umwe mu bahanzi b’indirimbo zo kuramya no guhimbaza Imana bakomeye ndetse bakunzwe, uyu azwi cyane mu ndirimbo nka "Arankunda", "Ni byiza" n’izindi zinyuranye.

Aba bombi bagiye kurushinga mu mpera z'uyu mwaka
Ubwo uyu muhanzi yambikaga impeta umukunzi we

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .