Tonzi yakoze mu nganzo abwira abantu kudatera Imana umugongo kubera ibihe bibi

Yanditswe na Uwiduhaye Theos
Kuya 13 Gicurasi 2020 saa 10:07
Yasuwe :
0 0

Benshi mu bakunda ibihangano by’umuhanzikazi Uwitonze Clementine wamamaye mu muziki wo kuramya Imana nka Tonzi, bari banyotewe kumva ibihangano bye binyura bikanaruhutsa imitima y’abihebye n’abarushye.

Kuri ubu Tonzi yashyize hanze indirimbo ye nshya yise ‘Bindimo’ ishishikariza abantu kwiyumvamo, kuramya no guhimbaza Imana no kuyishima kuko hari byinshi ibakorera byiza.

Ati “Ni indirimbo nashyize hanze, ifite ubutumwa bugaragaza ko gushima no kuramya Imana bidaterwa n’ibihe. Ni ukuvuga ngo igihe cyose nk’umuntu uha agaciro ubuzima Imana yaguhaye cyangwa kuba ari ku Isi ni uko Imana ariyo shingiro rya byose. Nkumva nta mpamvu n’imwe yatuma umuntu atabikora.”

Akomeza avuga ko byonyine umuntu arebye ukuntu imurinda aryamye akabyuka ari muzima, yajya ku kazi ikamurinda kugeza atashye byose bigaragaza urukundo rw’Imana kuko ari nayo mugenga wa byose.

Ati “Iyo ndyamye nkareba uburinzi bw’Imana, iyo ngenda, iyo ndi mu kazi iyo nicaye byose nsanga atari ububasha bwanjye ari Imana ibinshoboza. Ni indirimbo yo kongera gushima Imana.”

Tonzi mu mwaka ushize yashyize hanze ibihangano bitandukanye birimo nka ‘Isoko’ yahuriyemo n’abandi bahanzi batandukanye, ‘Dereva’, ‘Uragorora’ na ‘Hejuru ya Byose’.

Ari mu bahanzi baririmba indirimbo z’Imana umaze gushinga imizi haba mu Rwanda ndetse no bihugu byo mu Karere ka Afurika y’Iburasirazuba.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .