00:00:00 IGIHE NETWORK KN KINYARWANDA EN ENGLISH FR FRANCAIS

Rohi Choir yashyize hanze indirimbo nshya ikomoka mu bihe COVID-19 yari icanye maremare

Yanditswe na Ntabareshya Jean de Dieu
Kuya 27 July 2022 saa 09:29
Yasuwe :

Rohi Choir ikorera umurimo w’ivugabutumwa muri ADEPR Nyakabanda mu Mujyi wa Kigali, yasohoye indirimbo nshya ikubiyemo ubutumwa bwerekana ko mu bihe by’ibibazo Imana ifasha abantu bayo bityo ko badakwiye kubaho bihebye ahubwo bakomeza kuyizera.

Indirimbo ije ikurikira izindi ebyiri Rohi Choir yari iherutse gushyira ahagaragara zakozwe mu buryo bwa ‘Live Recording’ zirimo ‘Ni bande?’ na ‘Mpisemo Yesu’ yaririmbwe mu buryo bwa ‘Classic’.

Umutoza w’Indirimbo muri Rohi Choir, Elie Kwizera, yavuze ko iyi ndirimbo nshya yahimbwe hashingiwe ku bihe bikomeye bya Covid-19 u Rwanda n’Isi byanyuzemo ariko Imana ikigaragaza mu buryo bukomeye.

Ati “Iriya ndirimbo twayihanze turi muri Guma mu Rugo mu gihe abantu benshi batari bari gukora. Ni ibyo twabashije gukurura tubihuza n’ibiri muri Bibiliya ukuntu Abisiraheli Imana yajyaga ibatunga. Ubutayu [nk’uko indirimbo yiswe] ni ubuzima bw’ibigeragezo umuntu ashobora kunyuramo ariko muri bwo ashobora kubona ukuboko kw’Imana ikamutabara.”

Ni indirimbo ikangurira abantu kongera kugirira Imana icyizere no mu gihe bari mu bikomeye bizeye ko Imana izabafasha kubyigobotora.

Rohi Choir imaze imyaka 25 ibonye izuba. Yatangijwe n’abanyeshuri bo muri ADEPR Nyakabanda mu Karere ka Nyarugenge. Uko bagiye bakura bakavamo abagabo n’abagore ni ko n’umurimo w’ivugabutumwa bakora wagiye waguka ndetse batangiza n’itsinda ryo kuzigama no kugurizanya.

Indirimbo nshya ya Rohi Choir:

Iziheruka gusohoka


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .