Rehoboth Ministries yakoze igitaramo cy’amateka cyo kwizihiza isabukuru y’imyaka 25 imaze ibayeho

Yanditswe na Nsengiyumva Emmy
Kuya 23 Ukuboza 2019 saa 08:09
Yasuwe :
0 0

Rehoboth Ministries yakoze igitaramo cy’amateka yizihirijemo imyaka 25 imaze ibayeho, cyabereye muri Evangelical Restoration Church ku Kimisagara aho yatangiriye nubwo yari imaze imyaka hafi icumi itaririmbirayo.

Muri iki gitaramo cyabaye ku Cyumweru tariki 22 Ukuboza 2019, Rehoboth Ministries yafatanyije na Alarm Ministries na Shekinah.

Umuyobozi wa Rehoboth Ministries, Patrick Munini, yaganirije abitabiriye iki gitaramo amateka yabo mu myaka 25 ishize.

Abacyitabiriye kandi banagize amahirwe yo kwishimana n’abaririmbyi bagitumiwemo bitewe n’indirimbo zanyuze benshi ziherekejwe n’ibirori byo kwizihiza isabukuru.

Munini yavuze ko mu byo bateganya gukora mu minsi ya vuba harimo kubaka ahantu habo ho kuramiriza Imana, “Rehoboth Worship Center”, umushinga uzashyirwa mu ngiro vuba.

Rehoboth Ministries yatangiye ivugabutumwa ryo mu ndirimbo mu Ukwakira 1994, yabarizwaga Kimisagara muri Restoration Church.

Nkuko byanavuzwe mu buhamya bw’urugendo rwabo Rehoboth Ministries ngo ubwo yatangiraga yari korali isanzwe yo mu rusengero ariko itagira izina. Nyuma y’igihe gito yaje kwitwa Rehoboth Choir.

Nyuma yo guhindura icyerekezo na gahunda zayo yahinduye izina yitwa Rehoboth Ministries icyo gihe yari ikiri muri Restoration Church Kimisagara.

Imaze kuba Ministry kubera icyerekezo na gahunda birenze urwego rw’urusengero rusanzwe byatumye yakira n’abandi banyamuryango benshi bava mu matorero atandukanye atakiri Restoration Church gusa.

Kugeza ubu Rehoboth Ministries ifite abanyamuryango hafi 80, bamwe muri bo babarizwa mu Rwanda abandi bari ku migabane yose y’Isi.

Muri Rehoboth Ministries hanyuzemo abakozi b’Imana batandukanye ndetse yanagize uruhare rukomeye mu kuzamura impano z’abahanzi baririmba indirimbo zo kuramya no guhimbaza Imana barimo na Liliane Kabaganza, Umuhanzi Romulus Rushimisha ukorera umuziki muri Leta Zunze Ubumwe za Amerika n’abandi benshi.

Reba hano amateka ya Rehoboth Ministries

Reba uko byari byifashe mu gitaramo cyo kwizihiza imyaka 25 Rehoboth Ministries imaze ibayeho

Mu rusengero ni uku byari byifashe
Umutsima wari wateguwe Rehoboth Ministries yagombaga gukata yizihiza isabukuru y'imyaka 25
Shekinah Kimisagara yifatanyije na Rehoboth Ministries muri iki gitaramo
Patient Bizimana yari yitabiriye iki gitaramo
Ababyeyi bazi Rehoboth Ministries mu myaka 25 imaze bari baje kwifatanya nayo muri ibi birori
Abanyamahanga bari bitabiriye ibi birori
Ubwitabire bwari bushimishije
Rehoboth Ministries ku rubyiniro
Arashaka gucyura amashusho nk'ikimenyetso cy'uko yari ahibereye
Rehoboth Ministries yashimishije abitabiriye igitaramo cyabo
Bakatanye umutsima
Imyaka 25 si mike, kuyimara bagikora byari ibyo kwishimira
Iyo ukozwe ku mutima n'ibibera mu rusengero uhimbaza Imana
Alarm Ministries yakomotse kuri Rehoboth Ministries yabafashije muri iki gitaramo
Patrick Munini umuyobozi wa Rehoboth Ministries yakomoje ku mateka yabo
Abantu bari benshi muri iki gitaramo
Rehoboth Ministries muri iki gitaramo
Abakozi b'Imana batandukanye bakoreye umurimo muri iki gitaramo
Aimable Twahirwa yashimiwe nk'umuntu wagiye aba hafi Rehoboth Ministries
Bishop Douglas ashyikiriza umudari w'ishimwe kuri Eugene wigeze kuba umuyobozi wa Rehoboth Ministries
Pastor wo muri Restauration kimisagara yashimiwe

Amafoto: Dushimimana Ami Pacifique


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .