00:00:00 IGIHE NETWORK KN KINYARWANDA EN ENGLISH FR FRANCAIS

Prosper Nkomezi ari gutegura igitaramo gikomeye muri Kenya azahuriramo na Liliane Kabaganza

Yanditswe na Nsengiyumva Emmy
Kuya 29 March 2022 saa 01:51
Yasuwe :

Prosper Nkomezi uri mu bahanzi bakomeye mu Rwanda mu muziki wo kuramya no guhimbaza Imana, yateguye igitaramo kizabera i Nairobi muri Kenya akazagihuriramo n’abahanzi barimo Liliane Kabaganza na Gisubizo Ministries.

Ni igitaramo uyu muhanzi ari guteganya ko kizaba ku wa 15 Gicurasi 2022 ahitwa ‘Calvary Covenant Center’.

Mu kiganiro na IGIHE, Prosper Nkomezi yavuze ko we n’ikipe bakorana bahisemo gutegura iki gitaramo kuko Kenya ari igihugu afitemo abakunzi benshi.

Ati “Muri Kenya mpafite abakunzi benshi, inshuro nyinshi bakunze kunsaba kuhataramira ariko igihe ubanza cyari kitaragera. Itariki y’Imana ni iriya twizeye kuzaha abantu igitaramo cyiza.”

Nkomezi yahishuye ko azataramana n’abarimo Liliane Kabaganza ndetse n’itsinda rya Gisubizo Ministries nubwo bo atahise abashyira ku mafoto yasohoye yamamaza igitaramo.

Ati “Twabaye dusohoye ariya mafoto kuko twari tutaramara kumvikana n’ubu tuvugana hari abandi turi mu biganiro, ntekereza ko mu minsi iri imbere ari bwo tuza gusohora amafoto ya nyuma yamamaza igitaramo ariho abahanzi bose tuzakorana.”

Iki gitaramo Prosper Nkomezi ari kugitegura afatanyije na sosiyete imaze kuzamura izina ryayo mu gutegura ibitaramo ‘Sensitive Ltd’ ikorana n’andi ya hano mu Rwanda.

Prosper Nkomezi ugiye gutaramira muri Kenya ni umwe mu bahanzi bagezweho mu muziki wo kuramya no guhimbaza Imana
Prosper Nkomezi ari gutegura igitaramo gikomeye muri Kenya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .