00:00:00 IGIHE NETWORK KN KINYARWANDA EN ENGLISH FR FRANCAIS

Yvanny Mpano yateguje album yise Igitabo cy’urukundo

Yanditswe na Peacemaker Pundit
Kuya 30 May 2024 saa 07:43
Yasuwe :

Nyuma y’imyaka ine ku isoko ry’umuziki, Yvanny Mpano yateguje album yise ’Igitabo cy’Urukundo’ izaba ari iya mbere amuritse kuva yatangira umuziki bya kinyamwuga.

Amakuru y’iyi album nshya ya Yvanny Mpano IGIHE yayahamirijwe n’umuyobozi wa 1000 Hills Entertainment, Emmy Bruce ari nawe ushinzwe kureberera inyungu z’uyu muhanzi.

Ati "Indirimbo zigize album ya mbere ya Yvanny Mpano zigeze kuri 70% zikorwa. Ni indirimbo 12 kandi zirimo izo yakoranye n’abahanzi bafite amazina muri Afurika y’i Burasirazuba. Tuzakora igitaramo ku itariki 14 Gashyantare 2025 ku munsi w’abakundanye, album yitwa Igitabo cy’urukundo.”

Emmy Bruce yasobanuye ko bari gutekereza kuzakorera igitaramo cyo kuyimurikira abakunzi ba Yvanny Mpano muri ’Kigali Exhibition and Cultural Village (KCEV)’ ahazwi nka Camp Kigali.

Yvanny Mpano ni umwe mu bahanzi batangiye umuziki mu myaka ishize icyakora aza kumeya inkuru y’uko hatangijwe ishuri riwigisha umuziki aba ashyize ku ruhande ibya muzika ayoboka amasomo.

Nyuma yo gushyira ku ruhande iby’amasomo yize mu ishuri ry’u Rwanda ry’umuziki, Yvanny Mpano yasubukuye iby’umuziki mu buryo bwa kinyamwuga akora indirimbo zirimo Mama lolo, Ndabigukundira, Amateka n’izindi nyinshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .