Ibi byabereye mu gitaramo cyabereye muri Kigali Universe aho uyu muhanzi yamurikiraga album ye ya mbere kuva atangiye umuziki.

Muri iki gitaramo, Yvan Muziki yari yatumiyemo abahanzi nka Massamba Intore, Jules Sentore, Itorero Inyamibwa na Kidum.

Ubwo yari ku rubyiniro yageze hagati atera indirimbo yakoranye na Marina, uyu mukobwa azamuka ku rubyiniro yumva ko abgiye kuririmbana bisanzwe.

Yvan Muziki ubwo yari ageze hagati iyi ndirimbo, yakuyemo impeta ayereka Marina undi abura aho akwirwa kubera ibyishimo, abanza gukuramo izindi mpeta yari yambaye ubundi aratega bamwambika iy’urukundo.

Ibyari igitaramo byahise bihinduka ubukwe inkuru zirahinduka benshi batangira kuganira mu matsinda inkuru y’urukundo rw’aba bahanzi bakunze guhakana mu itangazamakuru ko bakundana nubwo byarangiye babihamirije imbere y’abantu.

Yvan Muziki ari ku rubyiniro hari aho yageraga akaganiriza abakunzi be, nk’igihe yakiraga Marina ngo asusurutse abakunzi be yagize ati “Hano turakubita umuziki bitinde, uyu munsi nibarutse imfura mbereka n’umugeni. Ndabyemerewe!”

Igitaramo cyakomeje buri muhanzi wari watumiwe agira umwanya wo gususurutsa abakunzi be ndetse Yvan Muziki agira umwanya wo kuririmbana n’abahanzi yatumiye.

Album ‘Inganzo ntashyikirwa’ ya Yvan Muziki yamurikiye abakunzi be iriho indirimbo Feeling yakoranye na Bruce Melodie, Tonight yakoranye na The Ben n’izindi zinyuranye.

Abakunzi b'umuziki bari bitabiriye ari benshi muri Kigali Universe

Itorero Inyamibwa ryakinnye umukino washimishije abakunzi b'umuziki

Mariya Yohana ni umwe mu bari bitabiriye iki gitaramo

Kate Gustave ni umwe mu bayoboye iki gitaramo

Ni igitaramo cyanayobowe na Blandy Star

Yvanny Mpano ni umwe mu bahanzi bataramiye abitabiriye iki gitaramo

Ubwo Coach Gael yahaga ikaze Massamba Intore muri Kigali Universe

Massamba Intore yanyuzagamo agatera urwenya na Coach Gael

Urugwiro rwari rwose hagati ya Coach Gael na Massamba Intore

Jules Sentore na Kenny Mugarura bitegereza imigendekere y'igitaramo

Coach Gael na Jules Sentore nabo banyuzagamo bakamenaho abiri

Jules Sentore yataramiye abitabiriye iki gitaramo

Hari aho byageze abantu bose bikoza ibicu

Massamba Intore nawe yatanze ibyishimo ku bakunzi be

Massamba Intore yakiriye ku rubyiniro Mighty Popo bafatanya gutaramira abitabiriye iki gitaramo

Yvan Muziki yageze ku rubyiniro ahetswe

Yvan Muziki yasusurukije abitabiriye igitaramo yamurikiyemo album ye ya mbere

Yvan Muziki yambitse Massamba Intore ingofero y'icyubahiro

Byageze hagati Yvan Muziki ahamagara Marina ku rubyiniro

Yvan Muziki yatunguye Marina amwambika impeta y'urukundo

Ibyishimo byari byose kuri Marina wari utunguriwe ku rubyiniro

Yvan na Marina bahamirije urukundo rwabo mu ruhame, bahamya ko batangiye urugendo ruganisha ku kurushinga

Nyuma yo kumwambika impeta yamuhaye indabo

Kidum yataramiye abitabiriye iki gitaramo muri Kigali Universe

Kidum hari aho yageze ahamagara Marina ku rubyiniro baririmbana indirimbo 'Mbwira' bakoranye

Amafoto: Kwizera Remy Moses