00:00:00 IGIHE NETWORK KN KINYARWANDA EN ENGLISH FR FRANCAIS

Young Thug yafatanywe ibiyobyabwenge mu rukiko

Yanditswe na Uwase Kevine
Kuya 20 Mutarama 2023 saa 06:28
Yasuwe :

Umuraperi Young Thug yafashwe ahabwa ibiyobyabwenge ubwo yari mu rukiko aburana ku byaha bitandukanye aregwa birimo ibyo gucuruza ibiyobyabwenge.

Nkuko bigaragara mu mashusho yafashwe ubwo uyu muraperi yari mu rukiko, mugenzi we Kahlieff Adams barega muri dosiye imwe , yahagurutse aho yari yicaye yerekeza imbere aho Young Thug yari yicaye amuhereza agapfunyika mu ntoki.

Ushinzwe umutekano yitegereje neza ibi byose ubwo byabaga, ahita abegera afata agapfunyika uyu muraperi yari ahawe ngo asuzume neza ibirimo.

Jeffery Lamar Williams wamenyekanye nka Young Thug yahise atanga ibyo biyobyabwenge basanga ni ibinini bya ‘Percocet’ bifasha abantu barwaye bari mu buribwe bukabije.

Nyuma yo kubona ibyo binini, abashinzwe umutekano bahise basaka Kahlieff Adams wari ubimuhaye bamusangana ibindi biyobyabwenge mu myenda birimo itabi, urumogi n’ibindi.

Young Thug umaze amezi umunani muri gereza, akurikiranyweho ibyaha bitandukanye birimo gukora urugomo hamwe n’agatsiko ayoboye ‘Young Slime Life group’ , gukoresha intwaro, gucuruza ibiyobyabwenge, gutwara imodoka ku muvuduko ukabije n’ibindi.

Uyu muraperi w’imyaka 37 yavukiye muri Leta ya Georgia yo muri Leta zunze Ubumwe za Amerika. Yunzwe ku ndirimbo zitandukanye nka ‘Came and Saw’, ‘All da smoke’ n’izindi.

Young Thug yafashwe ahabwa ibiyobyabwenge mu rukiko

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .