00:00:00 IGIHE NETWORK KN KINYARWANDA EN ENGLISH FR FRANCAIS

Victoria Kimani yashimye bikomeye impano ya Ariel Wayz

Yanditswe na Nsengiyumva Emmy
Kuya 3 June 2024 saa 12:31
Yasuwe :

Umuhanzikazi Victoria Kimani uri mu bakomeye mu muziki wa Afurika ndetse unafite izina ku Isi nzima, yavuze ko yakunze bikomeye ubuhanga bwa Ariel Wayz abajijwe niba yakwishimira gukorana nawe indirimbo ahamya ko nta kidashoboka.

Ubwo yari amaze kureba umukino we wa nyuma wa BAL, Victoria Kimani yasanganiwe n’abanyamakuru bamubaza uko yakiriye gutumirwa i Kigali, anabazwa niba asanga ari ahantu yazakorera igitaramo mu minsi iri imbere.

Ubwo yari abajijwe uko yakiriye gutumirwa mu Rwanda, Victoria Kimani yagize ati “U Rwanda ni igihugu cyiza, gisa neza, uwavugisha ukuri n’abaturage bacyo ni abantu beza.”

Ku kijyanye no gukorera igitaramo mu Rwanda, Victoria Kimani yagize ati “Ngomba kuzagaruka rwose, ni ibintu byaba bishimishije ndamutse nje.”

Abajijwe niba hari umuhanzi w’Umunyarwanda azi, Victoria Kimani yagize ati “Hari umuhanzikazi waririmbye ejobundi (Ariel Wayz) afite impano idasanzwe.”

Abajijwe niba asanga yakwishimira ko bakorana indirimbo, Victoria Kimani yavuze ko nta kidashoboka, ati “Kubera iki bitashoboka? Ni umuhanzikazi mwiza nishimiye.”

Victoria Kimani w’imyaka 38 y’amavuko asanzwe ari umuhanzi w’umunya-Kenya ubarizwa muri sosiyete ifasha abahanzi yo muri Nigeria yitwa Chocolate city.

Ariel Wayz yashimwe bikomeye na Victoria Kimani nyuma yo kuririmba mu mikino ya BAL
Victoria Kimani yavuze ko nta kidashoboka ashobora no gukorana indirimbo na Ariel Wayz

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .