Victor Rukotana yaririmbiye IGIHE yizihiza isabukuru y’imyaka 11 imaze

Yanditswe na Uwiduhaye Theos
Kuya 8 Nyakanga 2020 saa 11:35
Yasuwe :
0 0

Imyaka 11 irashize IGIHE itangiye gukora ndetse imaze kunguka umuryango munini w’abayikurikira mu bihugu bitandukanye ku Isi yose.

Uretse serivisi z’itangazamakuru, IGIHE itanga n’izindi zijyanye n’ikoranabuhanga, ndetse n’izindi serivisi z’ubucuruzi zitandukanye.

Iyo myaka 11 urubuga IGIHE ruyimaze ari rwo ruza imbere y’izindi zose zikorera kuri murandasi mu Rwanda.

Mu rwego rwo kwifuriza IGIHE isabukuru nziza y’imyaka 11, umuhanzi Victor Rukotana uri mu banyempano ntagereranywa, yaririmbye indirimbo yo kwishimira ibikorwa byiza n’umusanzu wa IGIHE.

Hari aho aririmba ati “Njye sinabona amagambo yo kubabwira uko numva merewe, imyaka 11 irashize mubaye ubukombe, mu mvura y’amahindu mu zuba ry’igikatu mu mbeho ikomeye ntimuryama… kwigisha, kutumenyesha ndetse no kwidagadura. Byose ku IGIHE, imihigo irakomeje.”

Amajwi y’iyi ndirimbo yakozwe na Nizbeats ukorera StoryKast Records, mu gihe amashusho yayo yakozwe na Muhizi Serge usanzwe akorera Storykast, sosiyete izobereye mu birebana na video n’amafoto.

Ikigo Mpuzamahanga kigaragaza uko imbuga za internet zikurikirana mu gusurwa, Alexa, gishyira IGIHE ku mwanya wa kabiri mu mbuga za internet zisurwa cyane mu Rwanda inyuma ya Google.com, aho IGIHE iza ku mwanya wa 6,520 mu mbuga zisurwa cyane ku rwego rw’isi. Nirwo rubuga rwa internet rwo mu Rwanda rwonyine ruri mu za mbere 30,000 ku isi. 

Ku munsi, IGIHE isurwa n’abari hagati y’ibihumbi 150 na 200, ndetse kenshi na kenshi banarenga ibihumbi 200.

Ibi byakunze gushimangirwa n’ubushakashatsi ngarukamwaka bukorwa n’Urwego rw’Igihugu rushinzwe Imiyoborere, RGB, rufite iterambere ry’itangazamakuru mu nshingano zarwo, aho Abanyarwanda bamaze gutora IGIHE inshuro enye zikurikiranya nk’ikinyamakuru gikunzwe kurusha ibindi bikorera kuri internet.

IGIHE yatangiye gukora tariki 30 Kamema 2009 nyuma y’umwaka w’imyiteguro yari yarahereye mu 2008, itangira nta mikoro ahubwo ishingiye ku bitekerezo gusa.

Reba indirimbo Victor yaririmbiye IGIHE ku isabukuru

Victor Rukotana yaririmbiye IGIHE yizihiza isabukuru y’imyaka 11 imaze

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .