00:00:00 IGIHE NETWORK KN KINYARWANDA EN ENGLISH FR FRANCAIS

Umutesi Léa witabiriye Miss Rwanda 2021 yakorewe ibirori by’abitegura kurushinga

Yanditswe na Mahoro Vainqueur
Kuya 29 Nzeri 2022 saa 03:36
Yasuwe :

Nyuma y’iminsi micye Umutesi Léa wari mu bahataniraga ikamba rya Miss Rwanda 2021 asezeranye imbere y’amategeko na Peter Nasasira, ubu yamaze gukorerwa ibirori byo gusezera ubukumi, ibizwi nka "Bridal Shower."

Hashize umwaka umwe uyu mukobwa yitabiriye irushanwa rya Nyampinga w’u Rwanda akaba yaragarukiye mu cyiciro cya nyuma. Ku gicamunsi cyo ku wa 23 Nzeri 2022 nibwo yasezeranye imbere y’amategeko mu muhango wabereye ku Murenge wa Kimihurura.

Mu butumwa yashyize ku mbuga nkoranyamabaga ze yashimiye abakobwa bose bamuteguriye ibirori byo gusezera ubukumi.

Mu ijoro ryo ku wa 16 Nyakanga 2022 nibwo Umutesi yambitswe impeta na Peter Nasasira ubwo bari mu birori byo kwizihiza isabukuru y’amavuko y’uyu musore.

Peter Nasasira asanzwe akora akazi ko kuyobora ba mukerarugendo basura ibyiza nyaburanga bitatse u Rwanda.

Ubukwe bw’aba bombi buteganyijwe ku wa 2 Ukwakira 2022.

Umutesi Léa yamenyekanye cyane ubwo yitabiraga irushanwa rya Miss Rwanda 2021, ashyigikiwe n’umuhanzi uri mu bakomeye mu Karere, Alikiba .

Ibi byatumye benshi batangira gucyeka umubano wihariye hagati ye na Alikiba gusa Umutesi yatangaje ko ari inshuti y’umuryango wabo gusa.

Umutesi Léa ni umwe mu bakobwa bavugishije benshi muri Miss Rwanda 2021
Umutesi Léa yishimiye gusezera ku rungano akajya kurushinga
Umutesi Léa hamwe n'itsinda ry'abamuteguriye ibirori

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .