00:00:00 IGIHE NETWORK KN KINYARWANDA EN ENGLISH FR FRANCAIS

Umuraperi Takeoff yishwe arashwe

Yanditswe na Mahoro Vainqueur
Kuya 1 Ugushyingo 2022 saa 03:01
Yasuwe :

Kirshnik Khari Ball wari uzwi nka Takeoff mu itsinda ry’abaraperi rya Migos, yapfuye kuri uyu wa Kabiri nyuma yo kurasirwa mu mujyi wa Houston, aho yakiniraga na Bowling Dice.

Takeoff w’imyaka 28 yari ari kumwe na mugenzi we Quavo baririmbana muri Migos, ariko we ntacyo yabaye.

Ababibonye bavuga ko Takeoff na Quavo bakinaga Bowling Dice ahagana saa munani n’igice z’igicuku, haza umuntu utaramenyekana atangira kurasa atarobanuye. Amasasu yafashe Takeoff mu mutwe, ahita yataba Imana ako kanya.

Amakuru avuga ko uretse Takeoff, abandi bantu babiri barasiwe muri iyi nzu y’imikino, ariko bo baracyahumeka, barimo kwitabwaho n’abaganga.

Mbere y’uko Takeoff araswa, yari yabanje kwereka abamukurikira ku mbuga nkoranyamba ko we na mugenzi we bagiye mu birori by’isabukuru y’amavuko ya Jas Prince.

Uyu muraperi na Quavo bari bamaze iminsi basohoye album bise "Nothing Change", nyuma yo gutandukana na Offset bahoranye mu itsinda.

Inkuru y’urupfu rwe yemejwe hashize amasaha 15 we na Quavo bamuritse amashusho y’indirimbo yabo nshya bise ‘Messy’.

Takeoff yari kumwe na bagenzi be bakina Bowling Dice
Ubwo Quavo yasabaga abantu gutabara umuvandimwe we wari umaze kuraswa
Takeoff yamamaye mu itsinda rya Migos

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .