Umugabo wa Anita Pendo yahishuye ko batakibana

Yanditswe na Uwiduhaye Theos
Kuya 15 Ukwakira 2018 saa 09:02
Yasuwe :
0 0

Nzeyimana Ndanda Alphonse usanzwe ari umunyezamu wa AS Kigali, yahishuye ko iby’urukundo rwe na Anita Pendo bimaze igihe byarahagaze.

Aba bombi bafitanye abana babiri b’abahungu, umukuru yitwa Tiran uwo baherutse kwibaruka akitwa Ryan.

Bajya kwibaruka umwana wa mbere babanaga mu nzu imwe iherereye ku Gisozi, gusa mu ntangiro z’uyu mwaka baratandukana ariko babigira ubwiru kuko iyo babibazwaga babyamaganiraga kure.

Gusa Anita yacaga amarenga y’uko batandukanye kuko amagambo yari yaranditse kuri Instagram agaragaza ko ari umugore wa Ndanda yaje kuyasiba yandikaho ko ari ‘Single Mum’ bishatse kuvuga ko yari asigaye yiyumva nk’umugore utabana n’umugabo.

Ndanda ku gicamunsi cyo kuri uyu wa Mbere yanditse amagambo ashimangira ko yamaze gutandukana na Anita Pendo, gusa bakaba baririnze kubishyira mu itangazamakuru kuko byari guhungabanya ubuzima bw’uyu mugore wendaga kwibaruka ubuheta.

Mu mafoto abiri y’urukurikirane yashyize ku rubuga rwa Instagram, Ndanda yabanje kwandika avuga ngo ‘Ceceka ntukibeshye’, ahandi ati ‘Reka guta igihe cyawe’.

Arangije akurikizaho amagambo asobanura ko ibye na Anita Pendo bimaze igihe byarahwekereye.

Ati “Amaso yanjye ari kuri Tiran na Ryan, ibindi abantu bibwira nibyo bibeshyera sibyo. Abambaza murekere aho ndabinginze, abanyandikira babimbaza ukuri kwabyo nuko ntabana nawe [Anita Pendo] ntuye Kacyiru agatura Remera”.

Akomeza agira ati “Mfite ubuzima bwanjye nawe akagira ubwe, ubwo rero ndumva ndi mu nzira zanjye no kumenya ejo hazaza hanjye n’abana banjye.”

Anita Pendo na Ndanda Alphonse byatangiye guhwihwiswa ko bakundana mu mpera za 2016 gusa baza kubihamya mu 2017.

Icyo gihe hari n’amakuru avuga ko Anita yagiye kwerekana umugabo iwabo bakaba bari baranatangiye kunoza gahunda y’ubukwe.

Anita Pendo amaze igihe yaratandukanye n'umugabo we

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza