Umubano wa Shaddyboo na Ish Kevin ntabwo wari wagafashe intera kugeza ubwo mu minsi ishize uyu mugore yagiye gushyigikira uyu muraperi mu isiganwa ry’imodoka yari atangiye kwitabira.

Ish Kevin yatangiye gukina umukino wo gutwara imodoka mu ntangiriro za Mata 2025 ubwo yitabiraga isiganwa ryitwa ‘Sprint Rally GMT’ ryabereye mu Karere ka Rwamagana ndetse Shaddyboo icyo gihe akaba yari mu bagiye kumushyigikira.

Mu kiganiro yagiranye na IGIHE icyo gihe ubwo yari abajijwe kuri Shaddyboo wari wagiye kumushyigikira, Ish Kevin yagize ati “Ndashimira Shaddyboo aba yitabiriye akaza yambaye Trapish kandi ni ku mutima.”

Ish Kevin na Shaddyboo bari inshuti z’akadasohoka ndetse zishyigikirana muri byinshi cyane ko uyu musore nawe aherutse i Goma gushyigikira uyu mugore mu gitaramo yari yatumiwemo.

Icyakora nyuma y’iki gitaramo, buri umwe yavuye i Goma atagikurikira mugenzi we ku mbuga nkoranyambaga bikavugwa ko hari ibyo batumvikaniyeyo byatumye umubano wabo uzamo agatotsi.

Ku rundi ruhande yaba Shaddyboo cyangwa Ish Kevin, nta numwe uragaruka kuri aya makuru ngo abe yavuga imvano y’agatotsi kaje mu mubano wabo.

View this post on Instagram

A post shared by Emmy Rwanda Ikinege BadMan (@emmy_rwanda_ikinege)

Ish Kevin yakuye Shaddyboo mubo akurikira

Shaddyboo nawe yakuye Ish Kevin mubo akurikira ku mbuga nkoranyambaga

Shaddyboo yari amaze iminsi acuditse na Ish Kevin ndetse agaragaza ko amushyigikiye bikomeye aha yari yambaye umwenda wanditseho Trapish ya Ish Kevin

Ibyishimo byabaga ari byose iyo Shaddyboo yabaga ari kumwe na Ish Kevin

Shaddyboo na Ish Kevin bari bamaze igihe ari inshuti zikomeye