Ibi birori byayobowe n’umuraperi akaba n’umukinnyi wa filime Queen Latifah wari ugarutse kuyobora ibi birori nyuma y’imyaka 31.

Ibi bihembo byaranzwe no kugaruka ku itsinda BTS ryegukanye igihembo gikuru cya “Artist of the Year” ndetse rinatwara “Song of the Summer” babikesheje indirimbo “SWIM”.

Mu bandi begukanye ibi bihembo harimo Sabrina Carpenter wegukanye “Album of the Year” abikesha album “Man’s Best Friend”, mu gihe Taylor Swift wari uyoboye abandi mu mubare w’ibihembo byahatanirwaga mu byiciro umunani, nta na kimwe yegukanye nubwo atanitabiriye ibi birori.

Ibi birori byaranzwe n’udushya twinshi turimo kongera guhura kw’itsinda ‘The Pussycat Dolls’ nyuma y’imyaka 20.

Undi wanyuze benshi ni Billy Idol wahawe igihembo cy’icyubahiro cya “Lifetime Achievement Award”, asoza ibirori akora igitaramo cy’amateka.

Ku rundi ruhande, Tyla yegukanye ibihembo bibiri birimo ‘Best Afrobeats Artist’ n’icya ‘Social Song of the Year’.

Bamwe mu begukanye ibihembo bikomeye

– Artist of the Year: BTS

– Album of the Year: Sabrina Carpenter — “Man’s Best Friend”

– Song of the Year: “Golden” ya HUNTR/X

– New Artist of the Year: KATSEYE

– Best Rock/Alternative Artist: Twenty One Pilots

– Best Female R&B Artist: SZA

– Song of the Summer: “SWIM” ya BTS

– Best Throwback Song: “Rock That Body” ya Black Eyed Peas

– Best Rock/Alternative Song: “Back to Friends” ya Sombr

– Best Latin Album: Karol G

– Best Male K-Pop Artist: BTS

John Legend n'umugore we Chrissy Teigen baserukanye mu birori bya American Music Awards

Umuraperi Busta Rhymes mu birori bya American Music Awards

David Guetta ni uku yaserutse muri American Music Awards

Jason Derulo ni uku yaserutse mu birori bya American Music Awards

Ludacris ari mu bahanzi bitabiriye ibi birori

Teyana Taylor yitabiriye ibirori bya American Music Awards

Queen Latifah yayoboye ibi birori nyuma y'imyaka 31

Lara Raj, Sophia Laforteza, Megan Skiendiel, Daniela Avanzini na Yoonchae Jeong bagize itsinda rya 'KATSEYE' ni uku baserutse mu birori bya American Music Awards