Iki gitaramo cyabaye ku mugoroba wo ku wa 20 Kamena 2026.

Uretse abahanzi b’i Nyagatare bahawe amahirwe muri iki gitaramo, DJ RY, MC Bertrand na MC Lucky bacyiyoboye nabo babanje gushyushya abakunzi b’umuziki i Nyagatare mbere y’uko abahanzi bari batumiwe bahagera.

Bwiza niwe wabanje ku rubyiniro. Uyu mukobwa wari ufite ababyinnyi barenga 10 yasusurukije abakunzi be b’i Nyagatare mu ndirimbo nka Gake gake, Wibeshya, Exchange, Ready, Ahazaza, Yiwe, Best Friend, Ni dange na Iyo twicaranye, asoreza kuri Ogera na Do me zashimishije abakunzi be ku rwego rwo hejuru.

Nyuma ya Bwiza, ku rubyiniro hahise hahamagarwa Kitoko nawe ntiyatenguha abakunzi be cyane ko yari yitwaje itsinda ry’ababyinnyi 20.

Uyu muhanzi yaririmbye nyinshi mu ndirimbo ze zakunzwe nka Rurabo, Agakecuru, Urukundo, Akabuto, Sibyo na Thank You Kagame yatumye abari muri stade bose bikoza mu bicu.

Nyuma y’aba bahanzi hari hatahiwe The Ben, umuhanzi wari ugiye kuririmbira iwabo cyane ko ababyeyi be ari ho bavuka.

The Ben wari ufite itorero rimufasha kubyina yaserutse mu myambaro y’aborozi bo muri aka karere, ubundi si ugutaramira abakunzi be biratinda.

Uyu muhanzi wabonaga ko yifitiye icyizere cy’umwana uri gutaramira inshuti n’abavandimwe b’iwabo, yaserutse mu ndirimbo zirimo Ndi uw’i Kigali, Habibi, Am in love, Sikosa, Ntacyadutanya, Ko nahindutse, Why, Pawa, Ni forever, Naremeye, Ndaje, Roho yanjye, Binkolela, Loose Control, Plenty love na Thank you yasorejeho.

Nyuma yo kuva ku rubyiniro, hari hatahiwe Bruce Melodie, umuhanzi uherutse kubwira The Ben ko atari agafu k’imvugwarimwe.

Kuri iyi nshuro yasabwaga imbaraga z’umurengera kuko yari iwabo wa The Ben.

Bruce Melodie wari wongeye kwitwaza ababyinnyi benshi yinjiriye mu ndirimbo Ndumiwe, Selebura, Funga macho, Ikinya, Ikinyafu, Akinyuma, Saa moya, Ndakwanga, Nisindiye, Fou de toi, Igitangaza, Ubushyuhe, Munyakazi, Bado, Pom Pom, Kungola, asoreza kuri Henzapu yishimiwe bikomeye n’abakunzi be.

Nyuma ya Musanze aho ibi bitaramo byatangiriye ku wa 13 Kamena 2026 na Nyagatare, bizakomereza i Nyamata ku wa 27 Kamena 2026 mbere y’uko bisorezwa i Rubavu ku wa 4 Nyakanga 2026.

Ababyeyi bari basohokanye abana muri iki gitaramo

Abafana batangiye kwinjira hakiri kare

Abanyarwenya bo muri Gen-Z Comedy bari kumwe na Sarpong wihebeye The Ben

Ku rundi ruhande Pirate nawe yari ayoboye abafana ba Bruce Melodie

Abafana ba Bruce Melodie bari bisize n'amarangi

Inzira zose zerekezaga ahantu hamwe

Abacuruzi bari basakiwe, ifaranga barikoreye ku bwinshi

Kuri stade ntabwo byari byoroshye

Bwiza ni uku yaserutse i Nyagatrare

Bwiza yishimiwe bikomeye i Nyagatare

Bwiza yatanze ibyishimo ku bakunzi be bari i Nyagatare

Kitoko ni uku yaserutse i Nyagatare

Kitoko yari yitwaje ababyinnyi 20 bari bajyanishije mu myambarire

Kitoko nawe yishimiwe bikomeye i Nyagatare

Lucky niwe wayoboye iki gitaramo

Coach Gael n'abandi benshi bashyiriweho inyubako yicaramo abanyacyubahiro

Bamwe mu bafana ba The Ben bari bisize amarangi

Uyu we byamurenze induru ayiha umunwa

The Ben yahingutse ku rubyiniro yambaye nk'umushumba

The Ben yishimiye kongera gutaramira aho ababyeyi be bakomoka

The Ben yaririmbanaga n'abakunzi be nyinshi mu ndirimbo ze

Akanyamuneza kari kose kuri The Ben

Hari aho byageze bisaba ko The Ben yikura ishati

The Ben waririmbiraga iwabo hari aho yageraga ukabona ko abonye abafana azi neza

Uyu mukobwa niwe wafashije The Ben muri zimwe mu ndirimbo yakoranye n'abahanzikazi batari bahari

Abafana bishimiye The Ben ku rwego rwo hejuru

Hari aho byageze The Ben abwira abafana ko bifuza ko aguruka kubera ibyishimo

Umufana wa Bruce Melodie yagiye yambaye ifoto y'uyu muhanzi na Coach Gael

Bruce Melodie yagaragaje ko nawe atari agafu k'imvugwarimwe

Bruce Melodie yaserukanye ababyinnyi benshi bari buzuye urubyiniro

Bruce Melodie wari umeze nk'uwasuye The Ben ku ivuko, yagaragaje ko nawe ahafite abafana ndetse benshi

Indirimbo za Bruce Melodie zirazwi i Nyagatare

Abakunzi b'umuziki b'i Nyagatare bari bakumbuye Bruce Melodie

Pirate ku rugamba rwo gushyushya abafana ba Bruce Melodie

Amafoto: Prince Willy Rusa