The Ben, Adekunle Gold, Itorero Inganzo Ngari, Juno Kizigenza, Bwiza, Kenny Sol, Alyn Sano, Chris Eazy, Ishami Talent, Kivumbi King, Ish Kevin, Kevin Kade na Ariel Wayz kimwe n’aba DJs batandukanye nibo batangajwe nk’abazasusurutsa abazitabira imikino ya BAL iteganyijwe kubera i Kigali.

Byitezwe ko imikino izabera mu Rwanda izaba inogeye buri wese nk’uko byashimangiwe na Perezida wa BAL Amadou Gallo Fall. Ati "Ibisubizo dukura mu bihugu 214 ni uko bose bayireba kandi banezerewe.”

Kuva tariki ya 24 Gicurasi kugeza ku ya 1 Kamena 2024, mu Rwanda hazabera irushwanwa ry’amakipe yabashije kugera ku mikino ya nyuma ya BAL izabera muri BK Arena.

Binyuze mu Kigo cy’Igihugu Gishinzwe Iterambere (RDB), u Rwanda rwongereye amasezerano na BAL yo gukomeza gutegura no kwakira imikino ya kamarampaka n’imikino ya nyuma mu gihe kingana n’imyaka itatu iri imbere.

Buri muhanzi yahawe amatariki azaririmbiraho

Imikino ya BAL izajya iherekezwa n'ibitaramo by'abahanzi banyuranye