Televiziyo ya Bruce Melodie n’umujyanama we yatangiye gukora

Yanditswe na Nsengiyumva Emmy
Kuya 14 Ugushyingo 2019 saa 07:32
Yasuwe :
0 0

Itahiwacu Bruce wamenyekanye cyane nka Bruce Melodie n’umujyanama we batangije televiziyo bise “Isibo TV" cyangwa mu mpine "I TV” iri kugaragara kuri startimes.

Bruce Melodie n’Umujyanama we Kabanda Jean de Dieu bamaze gutangiza Televiziyo ndetse kuri ubu yanatangiye kugaragara.

Mu biganiro Kabanda yagiye agirana na IGIHE mu bihe bitandukanye yakunze guhamya ko iyi televiziyo ari iy’imyidagaduro cyane cyane igamije guteza imbere umuziki w’Abahanzi bo mu Rwanda. Kuri iyi nshuro yemeye ko batangiye gukora ariko ikijyanye n’umugabane wa Bruce Melodie akomeza kuwugira ibanga.

ITV yatangiye yerekana imiziki mu gihe amakuru ahari ari uko mu minsi mike hari n’ibiganiro biratangira gutambukaho.

Abashaka kujya bayikurikirana bayisanga kuri StarTimes kuri shene ya 121,icyakora ngo no mu minsi ya vuba izashyirwa no ku zindi decoderi zinyuranye mu rwego rwo korohereza abanyarwanda kuyibona ari benshi kandi bitabagoye.

Umwe mu bayobozi b’iyi televiziyo yabwiye IGIHE ko kuba televiziyo ifitwemo imigabane na Bruce Melodie bitavuze ko ariwe gusa uzajya acurangwaho , yahamagariye abahanzi bose kubagana bagafatanya kumenyekanisha ibihangano by’abanyarwanda.

“I TV” intego zayo ni uguteza imbere ibijyanye n’imyidagaduro ndetse no gushyira itafari ryabo mu gutuma muzika y’u Rwanda imenyekana cyane kurusha uko biri ubu.

Bruce Melodie ni umwe mu bahanzi bagezweho mu Rwanda
ITV yatangijwe na Bruce Melodie afatanyije n'umujyanama we
Bruce Melodie n'umujyanama we Kabanda bafatanyije gushinga Televiziyo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza