Aba banyarwenya bitabiriye igitaramo cya ‘Gen-Z Comedy’ gitegurwa n’umunyarwenya Fally Merci, kikaba kimaze kubaka izina mu kuzamura impano z’abanyempano batandukanye.

Iki gitaramo biteganyijwe ko kizabera muri Camp Kigali ku wa 25 Nyakanga 2024.

Uretse aba banyarwenya, iki gitaramo cyanatumiwemo abandi banyarwenya nka Pirate, Ambasaderi w’abakonsomateri, Rumi, Clement Inkirigito, Dudu, Keppa na Muhinde na ho uzaba akiyoboye ni Fally Merci.

Mu kiganiro yagiranye na IGIHE, Fally Merci yagize ati “Aha ni ho twe abakunda gusetsa cyangwa guseka tuzabyinira intsinzi. Ni igitaramo cyo kwishimira amahitamo yacu.”

Dr. Hilary Okello yaherukaga gutaramira i Kigali ku wa 21 Werurwe 2024 ubwo yari yitabiriye igitaramo cyo kwizihiza imyaka ibiri ibitaramo bya Gen-Z Comedy bimaze bitangiye.

Ku rundi ruhande, Teacher Mpamire we ni ubwa mbere agiye kwitabira ibitaramo bya Gen-Z Comedy bimaze kubaka izina mu myidagaduro yo mu Rwanda.

Dr. Hilary Okello na Fally Merci baganira mbere yo kuva ku kibuga cy'indege cya Kigali

Fally Merci utegura Gen-Z Comedy ni we wagiye kwiyakirira aba banyarwenya

Teacher Mpamire na Dr. Hilary Okello bamaze kugera i Kigali