Super Sexy yatandukanye n’umugabo we

Yanditswe na Muvunyi Arsène
Kuya 8 Werurwe 2019 saa 10:42
Yasuwe :
0 0

Hycenthe Weber uzwi nka Nana Super Sex ku mbuga nkoranyambaga yatandukanye n’umugabo we w’umunyamerika bari bamaranye imyaka itanu.

Abenshi bakoresha imbuga nkoranyambaga bazi Nana Super Sexy, umukobwa wamamaye mu kubera amafoto yiganjemo agaragaza imiterere y’umubiri we wose, amashusho menshi azunguza ikibuno n’andi.

Muri iyi minsi asigaye akora ibiganiro mu buryo bw’imbonankubone yigisha ku bijyanye n’imibonano mpuzabitsina.

Yagaragaye mu mashusho y’indirimbo zitandukanye zirimo Sofia ya Senderi International Hit,’18 N over’ ya Bebe Cool n’izindi.

Uyu mugore kuri ubarizwa muri Leta Zunze Ubumwe za Amerika, abinyujije ku rubuga rwa Instagram yatangaje ko yatandukanye n’umugabo we bari bamaze imyaka itanu babana.

Yerekanye intoki ze bitacyambaye impeta n’imwe, ashyiraho n’amagambo agaragaza ko ibye n’umugabo we byarangiye.

Ati “Ndi guhisha ibyiyumviro byanjye, ndambiye kubigumana mu mutwe wanjye… imyaka itanu yari ihagije abantu bakwiye kumva ko nari ndambiwe.”

Super Sexy ntiyigeze atangaza icyo yapfuye n’umugabo we, dore ko yari amaze iminsi yerekana amafoto n’amashusho bari kumwe, bisa n’aho urukundo rusendereye mu rugo rwabo.

Umugabo we Matt Weber wagaragaje ko ari we ntandaro yo gutandukana kwabo, yamusabye imbabazi.

Ati “Bavuga ko dukorera amakosa abantu dutinya cyane ko twabura. Mbabarira rukundo rwanjye.”

Mu 2016 Super Sexy wabaga muri Uganda n’umugabo we baje mu Rwanda aramusaba aranamukwa. Icyo gihe umuhanzikazi Knowless Butera niwe wamuherekeje.

Ibyishimo bari bamaranye imyaka itanu byageze ku musozo
Super Sexy yari yarashyingiranywe byemewe n'umugabo we bari bamaranye imyaka itanu
Nana Super Sexy akunze kwerekana amafoto agaragaza imiterere ye
Impeta yamaze kuzikuramo
Yavuze ko ibyo yabonye muri iyo myaka itanu bihagije

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza