00:00:00 IGIHE NETWORK KN KINYARWANDA EN ENGLISH FR FRANCAIS

Souti Sol yatumiwe mu muhango wo Kwita Izina

Yanditswe na Mahoro Vainqueur
Kuya 31 August 2022 saa 03:57
Yasuwe :

Itsinda ry’abanyamuziki ryo muri Kenya, Souti Sol, ritegerejwe mu Rwanda kuri uyu wa Gatanu tariki 2 Nzeri 2022 mu gikorwa ngarukamwaka cyo kwita Izina abana b’ingagi zo mu Birunga kibera mu Kinigi mu Karere ka Musanze.

Abagize iri tsinda bazataramira abazitabira umuhango wo kwita Izina ndetse na bo bazita umwe mu bana b’Ingagi 20 biteganyijwe ko bazitwa ku nshuro ya 18.

Iri tsinda rikunzwe cyane mu Karere ka Afurika y’Iburasirazuba mu ndirimbo nka ‘Melanin’ bakoranye na Patoranking, “Live and Die in Africa”, “Nerea” , “Isabella”, “Shake Yo Bam Bam” n’izindi.

Sauti Sol igizwe na Bien-Aimé Baraza, Delvin Mudigi, Polycarp Otieno na Willis Austin Chimano.

Abana b’ingagi bagiye guhabwa amazina mu muhango ngarukamwaka utegurwa n’Urwego rw’Igihugu rw’Iterambere, RDB, witabirwa n’abaturutse impande zose z’Isi bigangemo ibyamamare n’abayobozi mu nzego zifite aho zihuriye no kubungabunga ibidukikije n’urusobe rw’ibinyabuzima muri rusange.

Abagize sauti Sol bazitabira umuhango wo kwita izina ugiye kuba ku nshuro ya 18
Uretse gutaramira abazitabira uyu muhango bazanita umwe mu bana b'ingagi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .