00:00:00 IGIHE NETWORK KN KINYARWANDA EN ENGLISH FR FRANCAIS

Impinduka ku gitaramo cya Sheebah Karungi ugiye gutaramira i Kigali

Yanditswe na Nsengiyumva Emmy
Kuya 8 June 2024 saa 04:26
Yasuwe :

Sheebah Karungi uri mu bahanzi bakomeye mu Karere ka Afurika y’Iburasirazuba agiye gutaramira i Kigali mu gitaramo gitegerejwe kubera muri Camp Kigali ku wa 17 Kanama 2024, ni mu gihe mu minsi ishize hari hasohotse amakuru y’uko yagombaga kugikora ku wa 3 Kanama 2024.

Amakuru yizewe IGIHE ifite avuga ko byari byatangajwe ko iki gitaramo kizaba tariki 3 Kanama 2024, icyakora abari kugitegura ntibabasha kukigumisha aho bifuzaga ko cyabera bityo bakimurira muri Camp Kigali.

Bitewe nuko tariki 3 Kanama ari umunsi wari warafashwe muri Camp Kigali, byabaye ngombwa ko iki gitaramo kimurirwa ku wa 17 Kanama 2024 ari nawo munsi kizabera.

Byitezwe ko mu minsi iri imbere ubuyobozi bwa The Keza Hotel yateguye iki gitaramo buzatangaza urutonde rw’abahanzi b’Abanyarwanda bazafatanya na Sheebah Karungi gususurutsa abakunzi b’umuziki bazacyitabira.

Sheebah Karungi agiye kongera gutaramira i Kigali nyuma y’imyaka ibiri kuko yahaherukaga mu ijoro ryo ku wa 12 Kanama 2022 ubwo yari yatumiwe mu Iserukiramuco ‘ATHF’ ryabereye ku musozi wa Rebero.

Uyu muhanzikazi uri mu bakunzwe mu Rwanda, ni umwe mu bakoranye indirimbo zakunzwe n’abahanzi b’i Kigali barimo The Ben bakoranye ‘Binkolera’ na Embeera Zo yakoranye na Bruce Melodie.

Sheebah Karungi w’imyaka 34 y’amavuko ni umwe mu bahanzikazi bubatse izina muri Uganda, icyakora urugendo rwe mu muziki yarutangiriye i Kigali aho yahoze ari umubyinnyi mu tubyiniro tunyuranye.

Sheebah agiye kongera gutaramira i Kigali nyuma y'imyaka ibiri ahavuye
Sheebah azataramira i Kigali ku wa 17 Kanama 2024

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .