Mu kiganiro aherutse gukora, Shakib ukubutse muri Kenya, yavuze ko atigeze atandukana na Zari.

Ati “Gutandukana ntabwo bikorerwa ku mbuga nkoranyambaga. Abakundana ntibemeranya ku bintu iteka ryose, kandi ibyo ntibisobanuye ko urukundo rwabo ruba rwarangiye”.

Shakib yanagaragaje ko we na Zari bakomeje kuganira no gushaka uko byakemura ibibazo byabo.

Shakib ukina n’umukino w’iteramakofe yakomeje avuga ko mu myaka itanu bamaranye, amaze kumenya neza imiterere y’amarangamutima y’umugore we Zari.

Ati “Ubu nasobanukiwe ko umugore wanjye ari umunyamarangamutima cyane kandi rimwe na rimwe avuga atabanje gutekereza ingaruka biza kugira. Ikintu cy’ingirakamaro cyane ni ukumenya gukemura ibibazo kandi ubuzima bugakomeza”.

Shakib atangaje ibi mu gihe yari amaze iminsi avugwa mu rukundo n’umuririmbyi Kin Bella wo muri Uganda, ariko ufite inkomoko mu Rwanda.

Shakib ntiyemera ko yatandukanye na Zari