00:00:00 IGIHE NETWORK KN KINYARWANDA EN ENGLISH FR FRANCAIS

Rick Rubin wakoreye indirimbo abarimo Jay Z yahishuye ko atazi gukoresha ibikoresho by’umuziki bigezweho

Yanditswe na Mahoro Vainqueur
Kuya 19 Mutarama 2023 saa 03:26
Yasuwe :

Frederick Jay Rubin wakoreye ibigo bikomeye muri muzika ku Isi n’abahanzi barimo Jay Z , Adele, Eminem, LL Cool J, n’abandi yatunguye benshi avuga ko hari bimwe mu bikoresho bigezweho mu gukora umuziki atazi gukoresha ndetse ko ntacyo abona bishobora kumufasha mu gukora umuziki mwiza.

Rick Rubin w’imyaka 59 umunyamuziki ufite ibihembo icyenda bya Grammy, ibi yabigarutseho ubwo yari mu kiganiro 60 Minutes yagiranye na Anderson Cooper kigaruka ku rugendo rwe rwa muzika n’igitabo yise ‘The Creative Act: A Way of Being’.

Rick Rubin wakoreye ibigo birimo Def Jam Recordings, American Recordings, Columbia Records, Warner Records na Epic Records yabajijwe niba hari ibikoresho bikora injyana y’umuziki akoresha nka "soundboard" cyangwa “mixing desk”.

Uyu munyamuziki yahakanye yivuye inyuma avuga ko atazi n’uko bikora.

Yagize ati “Oya, nta n’ubumenyi mbifiteho , ntakintu nzi ku muziki wabyo.”

Anderson Cooper yatunguwe n’iki gisubizo kuko yumva bidashoboka ku munyamuziki w’umunyabigwi nk’uyu.

Rick yamusubije agira ati "Nzi ibyo nkunda n’ibyo ntakunda, mfata icyemezo ku byo nkunda n’ibyo ntakunda.”

Cooper yakomeje kumubaza icyo yaba ahemberwa niba adashobora gusangiza abo akorera tekiniki akoresha mu gukora umuziki we.

Rubin yasubije agira ati: "Icyizere mfite mu buryohe bwanjye, n’ubushobozi bwanjye bwo kugaragaza ibyiyumviro byanjye, byagaragaye ko aribyo bifasha abahanzi."

Uyu munyamuziki yakomeje avuga ko imyitozo ishobora gufasha uhanga umuziki kugira icyo arema, yemera ko burya abafana baza nyuma yo gukora umuziki bataza mbere yo gukora.

Ati “Abafana cyangwa abumva ibihangano baza inyuma ntibaba bazi icyo bashaka , bakira ibije nyuma.”

Abatamenyereye umwihariko wa Rubin nk ‘umuproducer bashobora gutangazwa no kumenya ko adashobora gukoresha ibikoresho bya tekiniki cyangwa no gucuranga ibi bikoresho bigezweho.

Ariko mu maso ya Rubin, umurimo wa producer ntabwo ari ukwandika gusa umuziki w’umuhanzi cyangwa kugorora umuziki wakozwe ukoreshejeje ibi bikoresho bigezweho.

Ahubwo, abahanzi bahabwa icyerekezo kizima biturutse ku gutega amatwi witonze, gutanga ibitekerezo kubyo wumva, cyangwa gushyiraho uburyo bwiza bwo guhanga umuhanzi ugomba gutera imbere.

Rubin yagerageje gushyira ubuhanga bwe mu gitabo biteganyijwe ko kizasoka mu mpera za Mutarama kigacuruzwa na Canongate.

Muri iki gitabo ‘The Creative Act: A Way of Being’ hari aho agira ati "Si ikibazo cy’ibikoresho ukoresha kugirango ukore, igikoresho nyacyo ni wowe ubwawe."

Anthony Kiedis of the Red Hot Chili Peppers wakoranye na Rubin avuga ko uyu mugabo ubushishozi ashyira mu muziki we ari bwo byatumye aba umu producer ukomeye mu bwoko ubwo ari bwo bwose bw’umuziki.

Rick Rubbin yakoze Album z’abahanzi bakomeye zirimo ‘Yeezus’ ya Kanye West , album ya Adele yise ‘21’ na album ebyiri za Eminem ‘Marshall Mathers LP2’ na ‘Revival’.

Uko yakoze 99 Problems ya Jay Z

‘Set Fire To The Rain’ indirimbo ya Adele , Rick Rubbin yakoze

Rick Rubin yakoze album ebyiri z'umuraperi Eminem
Rick Rubin witegura kumurika igitabo yise ‘The Creative Act A Way of Being’ avuga ko ikibazo atari iibikoresho ukoresha ukora umuziki igikoresho cya mbere ari wowe
Rick Rubin witegura kumurika igitabo yise ‘The Creative Act A Way of Being’ avuga ko ikibazo atari iibikoresho ukoresha ukora umuziki igikoresho cya mbere ari wowe
Rick Rubin w’imyaka 59 afite ibihembo icyenda bya Grammy

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .