Patoranking, Meddy na Melodie batanze ibyishimo hafungurwa Youth Connekt (AMAFOTO +VIDEO)

Yanditswe na Nsengiyumva Emmy
Kuya 10 Ukwakira 2019 saa 08:15
Yasuwe :
0 0

Guhera kuri uyu wa Gatatu tariki 9 Ukwakira 2019 kugeza ku wa Gatanu tariki 11 Ukwakira 2019 mu mujyi wa Kigali hari kubera inama y’iminsi ibiri iri guhuza urubyiruko rwa Afurika rwakoraniye i Kigali, yiswe Youth Connect.

Iyi nama yafunguwe ku mugaragaro na Perezida wa Repubulika Paul Kagame. Nyuma y’ibiganiro by’umunsi wa mbere byabereye muri Kigali Arena mu ijoro hari hitezwe igitaramo cy’imbaturamugabo.

Urubyiruko rwa Afurika rwari rwabukereye, abahanzi batandukanye batumiwe muri iki gitaramo nabo bari banyotewe gususurutsa abakunzi ba muzika bari babategereje igihe.

Queen Cha ni we wabimburiye abandi ku rubyiniro, uyu muhanzikazi yaririmbye indirimbo yari yizeye ko zinyura abakunzi be ndetse biranamuhira ava ku rubyiniro bakimwishimiye.

Nyuma ya Queen Cha hagiyeho Bruce Melodie, uyu musore wahawe indirimbo eshanu yashimishije abakunzi be bari bitabiriye iki gitaramo. Nta wabura guhamya ko ari mu ba mbere bagize abafana benshi.

Meddy wari wahawe iminota irenga 30 yataramiye abakunzi be bashirana urukumbuzi, uyu muhanzi wavangaga indirimbo ze za kera ndetse n’iz’ubu na we yanyuze benshi.

Nyuma ya Meddy hakurikiyeho umuhanzi mukuru w’iki gitaramo ariwe Patoranking. Uyu muhanzi yaririmbye igihe kirenga isaha yose. Yashimishije bikomeye urubyiruko rwari rwakoraniye muri Kigali Arena.

Gahunda ya Youth Connect yatangijwe na Perezida wa Repubulika y’u Rwanda, Paul Kagame mu 2012 imaze kwaguka mu buryo bugaragara, kuko kugeza ubu ibihugu 11 bimaze gutangira kuyishyira mu bikorwa naho ibindi umunani bimaze gutanga ubusabwe bwo kuyimakaza.

Inama ya Youth Connect ihuriza hamwe urubyiruko ruturutse mu bihugu bitandukanye muri Afurika, hakaganirwa ku nsanganyamatsiko zinyuranye. Ni ku nshuro ya gatatu ibaye kuva yajya ku rwego rwa Afurika.

Muri izi nama kandi hifashishwa abantu batandukanye bafite aho bageze bakaganira n’urubyiruko. Inama nk’iyi yabaye muri Nyakanga 2017 yitabiriwe n’umuhanzi Akon n’umunyemali ukomeye w’umushinwa, Jack Ma.

Kugeza ubu binyuze muri iyi gahunda, ba rwiyemezamirimo 600 banyuze mu mwiherero, abahembwe ni 180. Kugeza ubu kandi iyi gahunda imaze gutinyura urubyiruko 8000 rwihangiye imirimo.

Aba basore kuri gitari bakoraga mu mirya umuziki ukanyura abawumva
Itsinda ry'abacuranzi bize muzika ku Nyundo nibo babanje gucurangira abitabiriye iki gitaramo
Queen Cha ni umwe mu bahanzi bishimiwe cyane muri iki gitaramo
Queen Cha yashimishije abakunzi be
Bruce Melodie mu ndirimbo zigera kuri eshanu yashimishije cyane abitabiriye Youth Connect
Umuziki wa Bruce Melodie wasigaye mu mitwe y'abatari bake
Meddy aramutsa abafana
Meddy yahawe umwanya uhagije ataramira abakunzi be
Patoranking yashimishije abakunzi ba muzika

AMAFOTO:NIYONZIMA Moses
VIDEO: George +Hakizimana Olivier


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza