Ni mu gitaramo cyabereye muri Kigali Universe ku wa Gatandatu, tariki ya 22 Ugushyingo 2025, kiririmbamo abahanzi barimo abakizamuka.

Umwe muri bo ni Young Zaki wamamaye mu ndirimbo yise ‘Motari’ yanaririmbye; Taykun Degree wishimiwe cyane, Hertos wamenyekanye mu ndirimbo yise ‘Karite Jone’ yakoranye na Diez Dolla yanishimiwe.

The Nature yaririmbye indirimbo yise ‘Umuvuno’, ‘Jumpy Boyz’ na ‘Ice Mello’ wavuye ku rubyiniro atishimye kubera ko bamukuyeho akirimba, ndetse akanajugunya ‘micro’ atarangije indirimbo yari ari kuririmba.

Mu bahanzi bamaze kumenyakana harimo Racine waririmbye indirimbo zirimo iyo yise ‘Agahugu’, ‘Bizacamo [amafaranga]’ yahuriyemo na G-bruce, ‘My Guy’, ‘Nzura’ n’izindi.

B Threy wamukurikiye yaririmbye indirimbo zirimo ‘Nyumvira’ yahuriyemo na Dj Toxxyk na Trizzie Ninety Six, ‘Dejavu’ yahuriyemo na Fifi Raya banayiririmbanye, ‘Ni e?’ yahuriyemo na Trizzie Ninety Six, ‘Nituebue’ yahuriyemo na Bushali na Slum Drip n’izindi.

Fireman wakurikiyeho yasusurukije abari bitabiriye mu ndirimbo zirimo ‘Abahungu ba muzika’, ‘Biha ibindi’, ‘Original’, ‘Muzadukumbura’ yakoranye na Nel Ngabo na ‘Itangishaka’ yakoranye na King James ari na yo yasorejeho.

Papa Cyangwe wizihizaga imyaka itanu amaze mu muziki yinjiranye ku rubyiniro n’abakobwa n’abasore bambaye Kinyarwanda.

Ahita aririmba indirimbo ye ‘Ngaho’, atarayisoza ibyuma bihita bizima. Mu gihe yafataga ijambo yashimiye abitabiriye. Ati “Ndishimye kuba ndi kubabona hano ndabakunda cyane!”

Nyuma y’iminota irenga itanu ibyuma byanze kuvuga byongeye birakora, ahita aririmba ‘Sana’ na ‘Ku Nsutsu’ yakoranye na Juno Kizigenza.

Izindi ndirimbo yaziririmbye yifashishije abanyamideli bamutambukaga iruhande. Yaririmbye ‘Imbeba’ yakoranye na Igor Mabano, ‘It’s Okay’ yakoranye na Afrique na Fireman.

Yahamagaye Ish Kevin baririmbanye indirimbo bise ‘Bakalo’. Yasize Ish Kevin ku rubyiniro aririmba ‘Amakosi’ ahita avaho.

Zeo Trap yageze ku rubyiniriro asanga ibyuma ntibiri gukora asubira mu rwambariro, nyuma y’iminota mike aragaruka ashimisha abakunzi be.

Riderman yagiye ku rubyiniro aririmba ‘Inyuguti ya R’, mu gihe izindi yaziririmbye nta byuma bivuga, uretse kuzumvisha abakunzi be gusa n’ijwi yifashishije indangururamajwi.

Muri izo harimo iyo yise ‘Amateka’, ‘Umwana w’umuhanda’ n’izindi ze. Arangije ati “Ndabashimira ariko reka umwanya wacu tuwuhereze Papa Cyangwe.”

P-Fla na Generous 44 ni bo bashyize akadomo kuri iki gitaramo, na bo baririmba by’akanya gato bahita basezera abafana. Bakiva ku rubyiniro MC Iradukunda Bertrand yahise asoza igitaramo aha umwanya DJ akanya gato. Yampano wari utegerejwe ntabwo yaririmbye muri iki gitaramo.

Abakobwa b'ibizungerezi bari babukereye

Abarimo Muyoboke Alex bari bitabiriye

AG Promoter na Micky bari babukereye

Akanyamuneza kari kose kuri nyina wa Papa Cyangwe

Ahabereye igitaramo abantu bari bitabiriye ku bwinshi

B-Threy na Fifi Raya baririmbanye indirimbo bahuriyemo

Buri Kantu na Buri Nguni bari bitabiriye

B-Threy yataramiye abari bitabiriye

Fela Music bahawe umwaya biyereka abakunzi babo

DJ Flixx ugezweho mu kuvanga imiziki ni umwe mu bari bitabiriye

Fireman ku rubyiniro

Hertos yashimishije benshi mu ndirimbo ye yise 'Karite Jone'

Iki gitaramo cya Papa Cyangwe cyari cyitabiriwe

Iki gitaramo cyari kinogeye ijisho

Iki gitaramo cyitabiriwe n'abakobwa bakunda Hip Hop cyane cyane

Ish Kevin yashimuse igitaramo cya Papa Cyangwe

Ish Kevin yeretswe urukundo

Jumpy Boyz ku rubyiniro bashimishije benshi

Jojo Breezy uri mu babyinnyi bamaze kubaka izina yari yitabiriye

Papa Cyangwe ubwo yari ari ku rubyiniro

Patycope uzwi ku mbuga nkoranyambaga uri ibumoso n'umugore we bari bitabiriye

Racine ni umwe mu bishimiwe muri iki gitaramo

Riderman yashimiye Papa Cyangwe ku kwizihiza imyaka itanu amaze akora umuziki

Riderman ku rubyiniro

Rutambi uzwi ku mbuga nkoranyambaga yari yitabiriye ari kumwe n'umugore we baheruka gusezerana mu mategeko

Taykun Degree ni umwe mu bahanzi bakizamuka bahawe umwanya

Tity Brown yari yitwaje ibizungerezi

Young Zaki wamamaye mu ndirimbo yise Motari yahawe umwanya

Uyu mwana ukiri muto yahawe umwanya acurangira abari bitabiriye

Zeo Trap yabanje kuva ku rubyiniro kubera ibyuma arongera asubiraho

Zeo Trap ku rubyiniro yari ari kumwe n'abasore bakunze kumuhora hafi