Ommy Dimpoz yabitswe akiri muzima

Yanditswe na Muvunyi Arsène
Kuya 5 Mutarama 2019 saa 05:19
Yasuwe :
0 0

Ku mbuga nkoranyambaga muri Tanzania, hari gukwirakwiza amakuru y’uko umuhanzi Ommy Dimpoz yaba yitabye Imana, ibintu byamamaganiwe kure n’abasanzwe bamufasha mu muziki.

Omary Faraji Nyembo uzwi nka Ommy Dimpoz yajyanywe mu Budage hagati y’Ukuboza 2018, kwivuza uburwayi bwo mu muhogo amaranye iminsi. Ni uburwayi bumubuza kumira icyo ari cyose ku buryo bwatumye abagwa.

Abakoresha imbuga nkoranyambaga muri Tanzania bakomeje kubona amakuru avuga ko uyu musore yaba yitabye Imana, aguye mu Budage aho ari kuvurirwa.

Uwatanze aya makuru yabikoze mu izina rya Ally Kiba, basanzwe bakorana muri King Music Record Label. Ibi byaciye igikuba mu bantu benshi basanzwe bakunda uyu musore.

Ikinyamakuru Global Publishers cyanditse ko ubuyobozi bwa King Music Record Label bwanyomoje aya makuru, ndetse bugahumuriza abakunzi ba Ommy Dimpoz kuko ari kugenda atora agatege.

Muri Kanama 2018 Ommy Dimpoz yari yajyanywe mu bitaro muri Afurika y’Epfo, nabwo abagwa mu mu muhogo ashyirwamo undi muyobora w’amafunguro mushya, yongera gutora agatege.

Ommy Dimpoz ubwo yari muri Afurika y’Epfo yavuze ko abaganga baho basanze yaramize uburozi.

Uyu musore w’imyaka 31 ni umwe mu bakunzwe muri Tanzania, afite indirimbo zakunzwe nk’iyitwa Yanje yakoranye na Seyi Shay wo muri Nigeria, Badaaye, Me and You yakoranye na Vanessa Mdee, Tupogo n’izindi.

Abamufasha mu muziki bemeje ko ari gutora agatege
Ommy Dimpoz yabanje kubagirwa muri Afurika y'Epfo
Ubutumwa bubika Ommy Dimpoz bwahererekanyijwe ku mbuga nkoranyambaga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza