Safi Madiba yashyize hanze indirimbo nshya iri kuri Album amaze imyaka itatu akoraho

Yanditswe na Nsengiyumva Emmy
Kuya 21 Ukwakira 2020 saa 10:12
Yasuwe :
0 0

Niyibikora Safi wamaze no gufata izina rya Madiba yasohoye indirimbo nshya yise “Sound”, izaba iri kuri Album amaze imyaka itatu akoraho.

Niyibikora Safi wamaze no gufata izina rya Madiba yasohoye indirimbo nshya yise “Sound”, izaba iri kuri Album amaze imyaka itatu akoraho.

Safi Madiba wimuriye ibikorwa bye by’umuziki muri Canada aho asigaye atuye, yatangaje ko indirimbo ye ‘Sound’ ibaye iya 11 kuri Album ye ya mbere ‘Back to life’ amaze imyaka itatu akoraho.

‘Sound’ ni indirimbo y’urukundo, uyu muhanzi yumvikanamo abwira umukobwa ibintu binyuranye amukundira birimo ijwi rye, uburyo amwitaho, uko bahuza n’ibindi byinshi.

Ni indirimbo yakorewe mu Rwanda kuko yakozwe na Element muri Country Record umwe mu batunganya indirimbo bagezweho muri iyi minsi.

Iyi ndirimbo ni imwe mu zizaba zigize album ya mbere y’uyu muhanzi yise ‘Back to life’. Izaba iriho izindi ndirimbo nka ‘Got it’, ‘Kimwe kimwe’, ‘Good Morning’, ‘Nisamehe’ yakoranye na Riderman ‘Fine’ yakoranye na RayVanny, ‘Ina Million’ yahuriyemo na Harmonize, ‘Igifungo’, n’izindi.

Mu 2018 nibwo Safi Madiba yavuze ko ari gutunganya album ye ya mbere izaba iriho ukuri kwinshi atigeze akunda kuvuga mu itangazamakuru.

Muri uwo mwaka uyu muhanzi yari yabwiye IGIHE ko ateganya gukora album izaba igizwe n’indirimbo ziganjemo izivuga ku bibazo yaciyemo, uko abayeho n’ahazaza he n’ibindi abantu bamwibazaho.

Umva Sound, indirimbo nshya ya Safi Madiba

Safi Madiba ageze kure umushinga wa Album ye ya mbere yise "Back to life"
Safi Madiba asigaye atuye muri Canada ari naho akorera umuziki

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .