00:00:00 IGIHE NETWORK KN KINYARWANDA EN ENGLISH FR FRANCAIS

Nick Cannon aritegura kubyara umwana wa cumi

Yanditswe na Mahoro Vainqueur
Kuya 25 August 2022 saa 05:26
Yasuwe :

Nicholas Scott Cannon ku myaka ye 41, aritegura kwibaruka umwana wa cumi nyuma y’abandi icyenda yabyaranye n’abagore batanu barimo umuhanzikazi Maria Carey bafitanye babiri.

Uyu mugabo usanzwe ari umuhanzi, umunyarwenya n’umukinnyi wa filime, yasangije amashusho abamukurikira ku mbuga nkoranyambaga, yerekana umunyamideli Brittany Bell ko anakuriwe, avuga ko agiye kumubyarira undi mwana.

Mu butumwa buherekeza amashusho yashyize ku mbuga nkaranyambaga yanditse agira ati "Igihe cyarahagaze, ibi biraba”.

Cannon na Bell basanzwe bafitanye abana babiri umuhungu witwa Golden w’imyaka itanu n’umukobwa w’umwaka umwe witwa Powerful Queen.

Uyu mwana wa 10 agiye kuvuka nyuma nyuma y’ukwezi kumwe gusa Cannon abyaye umuhungu yise Legendary Love, yabyaranye n’umunyamideli Bre Tiesi.

Uyu mugabo azwiho kubyara abana benshi dore ko mu mwaka wa 2021 wonyine yabyaye abana batatu ku bagore babiri batandukanye. Mu bana ba Cannon, umunani nibo bariho kuko hari uwapfuye azize ikibyimba cyo mu bwonko.

Nick Cannon aritegura kwibaruka umwana wa cumi
Nick Cannon n'umunyamideli Brittany Bell baritegura kwibaruka umwana wabo wa Gatatu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .