Iyi ndirimbo Ishimwe Clement yasohoye yavuze ko ari impano yageneye ababyeyi, ari nayo mpamvu yayisohoye ku munsi wabahariwe.

Ni indirimbo yaririmbwe na Nel Ngabo, ikorwa mu buryo bw’amajwi na Ishimwe Clement mu gihe amashusho yayo yafashwe anatunganywa na Gad.

Iyi ndirimbo ibaye iya kabiri kuri album Ishimwe Clement amaze igihe akora mu rwego rwo kwizihiza imyaka 20 amaze mu muziki. Izaba igizwe n’indirimbo 10 nubwo abahanzi bose bazayigaragaraho bataramenyekana.

Ishimwe Clement aherutse kubwira IGIHE ko akiri gutekereza niba yazakora igitaramo cyo kumurika iyi album, icyakora ahamya ko byanze bikunze uyu mwaka utazarangira atamaze kuyisohora yose.

Ishimwe Clement yatangiye gutunganya umuziki mu 2006, uyu wari umusore muto uzwiho impano yo gucuranga yaje kuvamo producer ukomeye.

Uretse gutunganya indirimbo z’abahanzi batandukanye, byarangiye ashinze KINA Music yakoranye n’abahanzi banyuranye nka Butera Knowless, King James, Dream Boys, Tom Close, Igor Mabano, Nel Ngabo n’abandi barimo na Zuba Ray uri mu bagezweho.

Indirimbo nshya ya Ishimwe Clement yaririmbwe na Nel Ngabo