Ni ibitaramo bifite intego yo gufasha abanyarwenya bakiri bato gukuza impano zabo ndetse no gufasha abatuye cyangwa abagenda muri aka Karere kongera aho bidagadurira mu mpera z’icyumwuru.

Ibi bitaramo byiswe ‘Zikonke Comedy Show’ byatangiye mu mpera z’icyumweru gishize byitabirirwa n’abarimo Guverineri w’Intara y’Amajyaruguru, Mugabowagahunde Maurice, n’abandi.

Umwe mu bategura ibi bitaramo, Itangishaka Christian, yabwiye IGIHE ko bije ari igisubizo ku rubyiruko rukeneye ibikorwa birufasha kwidagadura ndetse no kuzamura impano ku bakiri bato bitabasabye gutega bajya i Kigali.

Ati “Iyo urebye ubona ko hanze ya Kigali hataboneka ibitaramo byinshi bifasha urubyiruko rwaho kwidagadura, ibyinshi usanga ari ho biri. Twebwe rero twahisemo kwihangira ibitaramo byacu bidufasha kwidagadura ndetse n’abafite impano bari inaha bakabona aho bazimurikira bitabasabye gutega bajyayo [i Kigali].”

Abitabiriye Zikonke Live Comedy Show basusurukijwe n’abanyarwenya bamaze kubaka izina mu Rwanda barimo Muhinde na Mushumba bamamariye muri Gen-Z Comedy.

Ibi bitaramo bizajya biba buri wa Gatandatu bibera ahitwa Ikana Garden iherereye Nyarubande mu Mujyi wa Musanze, aho kwinjira bizajya biba ari ibihumbi 5 Frw.

Abakuru n'abato batashye bikanda imbavu

Abanya-Musanze bishimiye kubona igitaramo kizajya kibasusurutsa inshuro ebyiri buri kwezi

Abitabiriye iki gitaramo banyuzwe n'inkuru z'urwenya zakivugiwemo

Akanyamuneza kari kose ku bitabiriye iki gitaramo

Guverineri w’Intara y’Amajyaruguru Mugabowagahunde Maurice yitabiriye iki gitaramo

Ibi bitaramo bizajya biba inshuro ebyiri mu kwezi

Ibi bitaramo byateguwe mu rwego rwo gufasha urubyiruko kubona aho rwidagadurira

Ibi bitaramo byiswe Zikonke Live Comedy Show

Jonathan ni umwe mu banyarwenya bashya babarizwa i Musanze

Jules umwe mu banyarwenya bakiri bato baje kumurika impano

Muhinde ni umwe mu banyarwenya bafite abakunzi benshi mu Karere ka Musanze

Ni ibitaramo byashyizweho mu rwego rwo gufasha abakiri bato kubona aho bamurikira impano zabo

Umuhanzi Daymaker ni umwe mu bitabiriye iki gitaramo

Umunyarwenya wiyise Mushumba ni umwe mu bamaze kubaka izina bijyanye no gutera urwenya mu Rwanda binyuze muri Gen-z Comedy