Iyi ndirimbo yashyizwe mu cyiciro cya Best African Music Performance, yasohotse tariki 3 Kamena 2024.

Uyu muhanzi yashimiye ikipe ye ngari yamufashije muri uru rugendo rwo gutanga igihangano cye mu bizahatanira ibihembo bya Grammy bizatangwa tariki 2 Gashyantare 2025 mu mujyi wa Los Angeles mu nyubako ya Crypto.com Arena.

Yanditse agira ati “Nejejwe no kubamenyesha ko noherejwe mu isuzumwa rya Grammys ya 67. Uyu ni umwanya w’amateka kuri twe.”

“Ndashimira Ikipe yanjye yaba iri muri Amerika ndetse n’iri hano mu gihugu gikomeye cy’u Rwanda. Reka dukore aya mateka.”

Indirimbo ihatanira ibihembo bya Grammy bigiye gutangwa ku nshuro ya 67 ni izashotse hagati ya tariki 16 Nzeri 2023 kugeza tariki 30 Kamena 2024.

Igikorwa cyo gutanga indirimbo cyatangiye tariki17 Nyakanga 2024 gisozwa tariki 30 Kanama 2024. Izi ndirimbo zitoranywa n’akanama k’amatora ka Recording Academy.

Icyiciro cyo gutoranya izi ndirimbo kizatangira tariki 4 Ukwakira 2024 birangire tariki 15 Ukwakira 2024.

Abahanzi n’indirimbo zihatanira ibi bibembo bazatangazwa tariki 8 Ugushyingo 2024, ibikorwa byo gutora bitangire tariki 12 Ukuboza 2024 kugeza ku wa 3 Mutarama 2025.

I am thrilled to announce to you that l have been submitted into the 67th GRAMMYS for Consideration. This is a historical moment for us. Thank you for my Team both in The U.S as well right here in the great nation of Rwanda.
Let’s make history together🤍 pic.twitter.com/KOCBXn5gTc

— EleéeH (@element_eleeeh) September 3, 2024

Umva "Milele" indirimbo ya Element yinjiye mu cyiciro cy’indirimo zitoranywamo izizahatanira Grammy Awards 2024

Indirimbo ya Element yashyizwe mu cyiciro cy’izitoranywamo izizahatanira ibihembo bya Grammy bigiye gutangwa ku nshuro ya 67